fyʀʀum dœmum at konongrinn í Temere oc sꝩa staðrinn
forst firi þat at hann hallaðe rettum domi firi þꝩi at
hann hafðe ꝩinatto ꝩið aðra en ꝩið aðra mykinn
fiandskapNu þurfu firi þær sacar þæsser
luter uti ꝩæra byrgðer at hværgi se rettom
domi hallað firi æinna hvæʀra þæssaʀa luta
sacarEn þar er þu spurðer at þꝩi hvar
domum skal ꝩægia eða hvar þeir skolo striðer
ꝩæra þa er þat nu skyʀannde mæð noccorum
orðumOc skal þat mioc hugleiða hvæʀ at
ꝩik
ero sakaʀinnar þæss mænnz er firi soc ꝩærðr
Værðr sa maðr firi soc er giarna ꝩilldi spacr
ꝩæra oc þrœꝩnger hanum agirnd oc ofkapp
annaʀs til uspæctar oc þykkir hanum soc
sin ill oc ꝩill giarna yfir bœtaþa a þar
domum at ꝩægia um þæss mannz mal er
sꝩa er at lotinnSꝩa oc æf sa maðr gœrir loghbrot
er fafroðr er oc ꝩæit æigi þo at hann gœri logh
brott
oc ꝩilldi æigi þat ꝩærk gort hafa æf
hann ꝩissi at þat ꝩæri loghbrot þa er þar ænn
domum at ꝩægiaEn þo at þær sakir ꝩær
ði
til er liotaztar ero millim manna an
nat hvart
ran eða stulðer þa er þat ænn lið
ande
hværsu soc bæʀ til hannda æf maðr
ꝩærðr staddr iþæssaʀri nauðsyn at hann fæʀ
æigi mat at þiggia oc æigi at kaupa oc
æigi ma hann ꝩinna en hungr oc licamlegh
nattura þrengꝩir hanum sꝩa at hann ma æigi
þola þa æigu domar at ꝩægia hanum þo at
hann se tækinn iþæssaʀri soc oc hvarꝩætna þar
sæm nauðsyniar þrongꝩa manni til sæcta
eða loghbrota þa er þar domum at ꝩægia
En æf þeir mænn ꝩærða firi sakum er þat gera firi
kapps sacar eða fræghðar sacar eða sinku
eða agirndar þa æigu þar domar striðer
at ꝩæraoc skal þo geta í allum domum lannz
lagha
oc rettenndaEn i slicum staðum skalu
domar bita sæm striðazt mægo æpter lagum
sæm nu haꝩum ꝩer rœttEn i hinum staðum
sæm fyʀr rœddum ꝩit um þa aþar sulagha
skipan at ꝩæra at ꝩirða sꝩa nauðsyn sæm
til handa hæꝩir borit oc ꝩæghia æpter
þꝩi domum sæm nauð syniar ꝩirðaz miklar
til haꝩa gengitEn æf konongr eða æinn hvæʀr
lanz hofðingi sa er domari er eða ræfsin
gar
maðrgerir ræfsingar mæðr mann
drapum
þa skal hann ser iamnan lata þyckia
mykit firiat harma dauða hins i hugþocca
sinum oc ufararoc skal hann þo æigi sꝩa firi ser sia
at hann dræpr hinn firi grimleics sacar sialfs sins
eða reiði eða hatrs ꝩiðr þann er dœyrHælldr
dræpr hann sacar rettrar ræfsingar oc astar
sacar ꝩiðr hina er æptir liꝩa þꝩi at hann ꝩil at
þeir lifi i þꝩi mæira frialsi æptir oc bætru
liꝩi er þeir sia ufarar hinna oc dauða oc ꝩill
hann at su ræzla oc aghi er þeir taca af annars
ufarum stiorni þeim til rettlætis oc goðra siða
þæim sæm æigi matte nattura tilstiorna firi
sacar ofmikillar yfir girndar eða skamsynis
Þat sætti æinn maðr agetr dyrlegr