menota

Menota data services

Menu Search
9r AM 113 b folx (113bx)  - 9v  10r

On this page...

Alternative images

access restricted for copyright reasons

nátta síðarr í Skálahollti á enum þriðja degi
í viku Kalend. Junii
Á því ári enu sama obiit Paschalis secundus
páfi fyrr en Gizurr byskup ok Baldvini Jórsalakonungr
ok Arnaldus patriarcha í Híerúsalem ok Philippus
Svíakonungr en síðarr et sama sumar Alexíus
Grikkjakonungr þá hafði hann setit
at stóli í Miklagarði En vetrum síðarr varð aldamót
Þá hǫfðu þeir Eysteinn ok Sigurðr verit
vetr konungar í Norvegi eptir Magnús fǫður sinn Óláfsson
Haraldssonar Þat vas eptir fall Óláfs
Tryggvasonar en eptir dráp Eadmundar Englakonungs
en eptir andlát Gregóríus páfa þess
es kristni kom á England at því es talit es En hann
andaðisk á ǫðru ári konungdóms Fóku keisara
eptir burð Krists at almannatali Þat verðr
allt saman Hér lýksk sjá bók ÆTTARTALA
Þetta es kyn byskupa Íslendinga ok ættartala
Ketilbjǫrn landnámsmaðr sá es byggði
suðr at Mosfelli enu øfra vas faðir Teits
fǫður Gizurar ens hvíta fǫður Ísleifs es fyrstr
vas byskup í Skálaholti fǫður Gizurar byskups
Hrollaugr landnámsmaðr sá es byggði austr
á Síðu á Breiðabólstað vas faðir Ǫzurar
fǫður Þórdísar móður Halls á Síðu fǫður Egils fǫður Þorgerðar
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close