Vér drifum hvatt, þars heyra
hátt vápnabrak knátti,
— rǫnd klufu roðnir brandar —
reiðir upp á skeiðar.
En fyr borð, þars bǫrðusk,
— búin fengusk skip — gengu
— nár flaut ǫrt við eyri
ófár — búendr sárir.
Vér drifum reiðir hvatt upp á skeiðar, þars knátti heyra hátt vápnabrak; roðnir brandar klufu rǫnd. En sárir búendr gengu fyr borð, þars bǫrðusk; búin skip fengusk; ófár nár flaut ǫrt við eyri.
We pressed, enraged, keenly up on to the ships, where the loud clash of weapons could be heard; reddened blades split the shield. And wounded farmers went overboard, where they fought; the well-appointed ships were captured; not a few corpses floated swiftly by the land-spit.