Sjón fekk seggr af hreinu
(sú dýrð munat fyrðum)
(fǫrnuðr mun þat) (fyrnask)
(fjǫlgóðr) konungs blóði.
Greitt má gumnum létta
guðs ríðari stríðum
rǫskr þiggr allt, sem œskir,
Óláfr af gram sólar.
Seggr fekk sjón af hreinu blóði konungs; þat mun fjǫlgóðr fǫrnuðr; sú dýrð munat fyrnask fyrðum. Guðs ríðari má greitt létta stríðum gumnum; rǫskr Óláfr þiggr allt sem œskir af gram sólar.
The man received sight from the pure blood of the king; that will be good fortune; the fame [of it] will not be forgotten by men. God’s knight [SAINT = Óláfr] can easily alleviate afflictions for men; brave Óláfr gets all he desires from the king of the sun [= God].
[5-8] abbrev. as ‘Greitt’ Flat, ‘Greitt m.’ Bb