Hætt hafa sér, þeirs sóttu
Sveins fundar til, stundum;
lítt hefr þeim at þreyta
þrimr bragningum hagnat.
Þó hefr hauldvinr haldit
— hanns snjallr konungr — allri
Jóta grund með endum
ógnstarkr ok Danmǫrku.
Hafa stundum hætt sér, þeirs sóttu til fundar Sveins; þeim þrimr bragningum hefr lítt hagnat at þreyta. Þó hefr hauldvinr haldit, ógnstarkr, allri grund Jóta með endum ok Danmǫrku; hanns snjallr konungr.
They have frequently put themselves at risk, those who sought an encounter with Sveinn; for those three lords little has been gained by their striving. Yet the friend of freeholders [KING] has held, battle-strong, all the land of the Jótar from border to border and Denmark, too; he is a clever king.