Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

skaldic

Skaldic Poetry of the Scandinavian Middle Ages

Menu Search

Anon Ldn 33bIV

Landnámabók 33b — ed. not skaldic

Not published: do not cite (Anon Ldn 33bIV)

Anonymous íslendingasögurLandnámabók
33b34

text and translation

The new edition is either unpublished or unavailable. The following is taken from an old edition (Skj where relevant):

Þórólfr son Ǫrnólfs fiskreka bjó í Mostr; því var hann kallaðr Mostrarskegg; hann var blótmaðr mikill og trúði á Þór. Hann fór fyrir ofríki Haralds konungs hárfagra til Íslands ok sigldi fyrir sunnan land. En er hann kom vestr fyrir Breiðafjǫrð, þá skaut hann fyrir borð ǫndvegissúlum sínum; þar var skorinn á Þórr. Hann mælti svá fyrir, at Þór skyldi þar á land koma, sem hann vildi, að Þórólfr byggði; hét hann því at helga Þór allt landnám sitt ok kenna við hann.



Þórólfr sigldi inn á fjǫrðinn ok gaf nafn firðinum ok kallaði Breiðafjǫrð. Hann tók land fyrir sunnan fjǫrðinn, nær miðjum firðinum; þar fann hann Þór rekinn í nesi einu; þat heitir nú Þórsnes. Þeir lendu þar inn frá í váginn, er Þórólfur kallaði Hofsvág; þar reisti hann bœ sinn ok gerði þar hof mikit ok helgaði Þór; þar heita nú Hofstaðir. Fjǫrðurinn var þá byggður lítt eða ekki.



Þórólfur nam land frá Stafá inn til Þórsár ok kallaði það allt Þórsnes. Hann hafði svá mikinn átrúnað á fjall það, er stóð í nesinu, er hann kallaði Helgafell, at þangat skyldi engi maðr óþveginn líta, og þar var svá mikil friðhelgi, at øngu skyldi granda í fjallinu, hvárki fé né mǫnnum, nema sjálft gengi á braut. Það var trúa þeirra Þórólfs frænda, at þeir dœi allir í fjallit.



Þar á nesinu, sem Þórr kom á land, hafði Þórólfr dóma alla, ok þar var sett héraðsþing með ráði allra sveitarmanna. En er menn váru þar á þinginu, þá skyldi víst eigi hafa álfreka á landi, ok var ætlat til þess sker þat, er Dritsker heitir, því at þeir vildu eigi saurga svá helgan vǫll sem þar var.



En þá er Þórólfr var dauðr, en Þorsteinn son hans var ungr, þá vildu þeir Þorgrímr Kjallaksson og Ásgeirr mágr hans eigi ganga í skerit ǫrna sinna. Það þoldu eigi Þórsnesingar, er þeir vildu saurga svá helgan vǫll. Því bǫrðusk þeir Þorsteinn þorskabítr og Þorgeirr kengr við þá Þorgrím og Ásgeir þar á þinginu um skerit, ok fellu þar nǫkkurir menn, en margir urðu sárir, áðr þeir urðu skilðir. Þórðr gellir sætti þá; ok með því at hvárigir vildu láta af sínu máli, þá var vǫllrinn óheilagr af heiftarblóði. Þá var þat ráð tekit at fœra brutt þaðan þingit ok inn í nesit, þar sem nú er; var þar þá helgistaðr mikill, ok þar stendr enn Þórssteinn, er þeir brutu þá menn um, er þeir blótuðu, ok þar hjá er sá dómhringr, er menn skyldu til blóts dœma. Þar setti og Þórðr gellir fjórðungsþing með ráði allra fjórðungsmanna.



Son Þórólfs Mostrarskeggja var Hallsteinn Þorskafjarðargoði, faðir Þorsteins surts ens spaka. Ósk var móðir Þorsteins surts, dóttir Þorsteins rauðs. Annarr son Þórólfs var Þorsteinn þorskabítr; hann átti Þóru, dóttur Óláfs feilans, systur Þórðar gellis. Þeirra son var Þorgrímur, faðir Snorra goða, ok Bǫrkr enn digri, faðir Sáms, er Ásgeir vá.

sources

Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.

Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Stanza/chapter/text segment

Use the buttons at the top of the page to navigate between stanzas in a poem.

Information tab

Interactive tab

The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.

Full text tab

This is the text of the edition in a similar format to how the edition appears in the printed volumes.

Chapter/text segment

This view is also used for chapters and other text segments. Not all the headings shown are relevant to such sections.