Víglundar saga 12b — ed. not skaldic
Not published: do not cite (Anon Vígl 12bV)
The new edition is either unpublished or unavailable. The following is taken from an old edition (Skj where relevant):
Þat bar til, at liðsmenn hans báðir sýktust um haustit af göldrum Kjölvarar. Váru þá allir menn at heyverkum. Þá vildi Björn róa til fiski ok biðr þá bræðr Víglund ok Trausta, at róa með sér um daginn. Þeir gerðu svá, því at veðr var gott, ok síðan var vingott með þeim. Allt vissi Kjölvör þetta ok fór upp á hús ok veifði kofra sínum í austrætt, ok þykknaði skjótt veðrit. En er þeir kómu út á miðit, var fiskr nógr undir. Þá sá þeir, at dró upp flóka einn við austr ok landnorðr. Víglundr mælti: "Þat þykir mér ráð, at vér haldim at landi. Mér lízt ekki á veðr þetta". Björn segir: "Eigi munu vér þat gera, fyrr en hlaðit er skipit." "Þú munt," segir Víglundr, "ráða því." Flókann dró skjótt yfir, ok fylgdi bæði vindr ok frost ok svá mikil sjóillska, at sjórinn var hvergi kyrr ok rauk sem saltkorn. Björn kvaðst þá vildu at landi halda. Víglundr kvað betr fyrr "en þó skal nú ekki at telja." Þeir róa þá, Björn ok Trausti, ok gengr hvergi áfram. Rekr þá í útsuðr til hafs. Tekr þá at fylla undir þeim skipit. Víglundr biðr Björn ausa, en Trausta stýra, en hann sezt til ára ok rær svá sterklega, at hann nær landi við Dögurðarnes. Þar bjó Þorkell skinnvefja, er út kom með Bárði Snæfellsás, ok var þá gamall.
Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.
Use the buttons at the top of the page to navigate between stanzas in a poem.
The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.
This is the text of the edition in a similar format to how the edition appears in the printed volumes.
This view is also used for chapters and other text segments. Not all the headings shown are relevant to such sections.