Kjalnesinga saga 2b — ed. not skaldic
Not published: do not cite ([not skaldic])
The new edition is either unpublished or unavailable. The following is taken from an old edition (Skj where relevant):
Þorgrímr reisti bú um várit at Hofi. Var þat brátt stórkostligt enda stóðu margar stoðir undir, vinir ok frændr. Gerðist hann héraðsríkr. Hafði hann mannaforráð allt til Nýjahrauns ok kallat er Brundælagoðorð. Hann var kallaðr Þorgrímr goði. Hann var blótmaðr mikill. Lét hann reisa hof mikit í túni sínu. Þat var hundrað fóta langt en sextugt á breidd. Þar skyldu allir menn hoftoll til leggja. Þórr var þar mest tignaðr. Þar var gert af innar kringlótt svá sem húfa væri. Þat var allt tjaldat ok gluggat. Þar stóð Þórr í miðju ok önnur goð á tvær hendr. Frammi fyrir Þór stóð stallr með miklum hagleik gerr ok þiljaðr ofan með járni. Þar á skyldi vera eldr, sá er aldri skyldi slokkna. Þat kölluðu þeir vígðan eld. Á þeim stalli skyldi liggja hringr mikill af silfri gerr. Hann skyldi hofgoði hafa á hendi til allra mannfunda. Þar at skyldu allir menn eiða sverja um kennslumál öll. Á þeim stalli skyldi ok standa bolli af kopar mikill. Þar skyldi í láta blóð þat allt, er af því fé yrði er Þór var gefit, eða mönnum. Þetta kölluðu þeir hlaut ok hlautbolla. Hlautinu skyldi dreifa yfir menn eða fé, en fé þat, sem þar var gefit til, skyldi hafa til mannfagnaðar, þá er blótveizlur eru hafðar. En mönnum, er þeir blótuðu, skyldi steypa ofan í fen þat, er úti var hjá dyrunum. Þat kölluðu þeir Blótkeldu. Þau þvertré váru í skálanum at Hofi, er verit höfðu í hofinu, þá er Ólafr Jónsson lét bregða. Lét hann þá öll kljúfa í sundr ok váru þá enn alldigr.
Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.
Use the buttons at the top of the page to navigate between stanzas in a poem.
The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.
This is the text of the edition in a similar format to how the edition appears in the printed volumes.
This view is also used for chapters and other text segments. Not all the headings shown are relevant to such sections.