Eiríks saga rauða 9 — ed. not skaldic
Not published: do not cite (Eir ch. 9)
The new edition is either unpublished or unavailable. The following is taken from an old edition (Skj where relevant):
Nú ræða þeir um ferð sína og hafa tilskipan. Vill
Þórhallur veiðimaður fara norður um Furðustrandir og fyrir
Kjalarnes og leita svo Vínlands en Karlsefni vill fara suður
fyrir land og fyrir austan og þykir land því meira sem suður
er meir og þykir honum það ráðlegra að kanna hvorttveggja. Nú
býst Þórhallur út undir eynni og urðu eigi meir í ferð með
honum en níu menn. En með Karlsefni fór annað liðið þeirra.
Og einn dag er Þórhallur bar vatn á skip sitt þá drakk hann
og kvað vísu þessa:
Hafa kváðu mig meiðar
málmþings, er kom eg hingað,
mér samir láð fyr lýðum
lasta, drykk hinn basta.
Bílds hattar verðr byttu
beiði-Týr að reiða.
Heldr er svo að eg krýp að keldu,
komat vín á grön mína.
Láta þeir út síðan og fylgir Karlsefni þeim undir eyna. Áður
þeir drógu seglið upp kvað Þórhallur vísu:
Förum aftr þar er órir
eru sandhimins landar,
látum kenni-Val kanna
knarrar skeið hin breiðu.
Meðan bilstyggir byggja
bellendr og hval vella
Laufa veðrs, þeir er leyfa
lönd, á Furðuströndum.
Síðan skildu þeir og sigldu norður fyrir Furðustrandir og
Kjalarnes og vildu beita þar fyrir vestan. Kom þá veður á
móti þeim og rak þá upp við Írland og voru þar mjög þjáðir og
barðir. Þá lét Þórhallur líf sitt.
Text is based on reconstruction from the base text and variant apparatus and may contain alternative spellings and other normalisations not visible in the manuscript text. Transcriptions may not have been checked and should not be cited.
Use the buttons at the top of the page to navigate between stanzas in a poem.
The text and translation are given here, with buttons to toggle whether the text is shown in the verse order or prose word order. Clicking on indiviudal words gives dictionary links, variant readings, kennings and notes, where relevant.
This is the text of the edition in a similar format to how the edition appears in the printed volumes.
This view is also used for chapters and other text segments. Not all the headings shown are relevant to such sections.