skaldic

Skaldic Poetry of the Scandinavian Middle Ages

Menu Search

Lausavísur — Rloð LvVIII (Ragn)

Ragnarr loðbrók

Ragnarr loðbrók, Lausavísur — Rory McTurk

Not published: do not cite (Rloð LvVIII (Ragn))

 

Hætt hefk leyfðu lífi,
litfǫgr kona, vetra
vák at foldar fiski
fimtán gamall, mínu;
hafa skalk, bǫl nema bíti,
bráðrakinn mér dauða,
heiðarlax til hjarta
hringleginn, vel, smýgra.
 
The new edition is unavailable.
This text is from an old edition
Myndi víst, ef væri
vǫrðr fræninga jarðar
mætri mildri snótu,
á mér taka hǫndum.
 
The new edition is unavailable.
This text is from an old edition
Viltu þenna þiggja,
er Þóra hjǫrtr átti,
serk við silfr of merkðan;
sama allvel þér klæði;
fóru hennar hvítar
hendr of þessar gǫrvar,
sú var buðlungi bragna
blíðum þekk til dauða.
 
The new edition is unavailable.
This text is from an old edition
Sigurðr mun sveinn of heitinn,
sá mun orrostur heyja,
mjǫk líkr vera móður
ok mǫgr fǫður kallaðr;
sá mun Óðins ættar
yfirbátr vera heitinn,
þeim er ormr í auga,
er annan lætr svelta.
 
The new edition is unavailable.
This text is from an old edition
Brynhildar lízk brǫgnum
brúnstein hafa fránan
dóttur mǫgr enn dýri
ok dyggligast hjarta,
sjá berr alla ýta
undleygs boði magni
Buðla niðr, er baugi,
bráðgǫrr, hatar rauðum.
 
The new edition is unavailable.
This text is from an old edition
Svá eru engum sveini,
nema Sigurði einum,
í brúnsteinum brúnir
barðhjarls taumar lagðir;
sjá hefr dagrýrir dýja,
dælt er hann af því kenna,
hvass í hvarma túni
hring myrkviðar fengit.
 
The new edition is unavailable.
This text is from an old edition
Spari mangi rǫf Rínar
ef rǫskva vill hermenn,
verr samir horskum hilmi
hringa fjǫlð en drengja;
ilt er í borghlið baugi
brandrauðum framm standa;
allmarga veitk jǫfra,
þás auðr lifir, dauða.
 
The new edition is unavailable.
This text is from an old edition
Hvat er þats baugs ór bjǫrgum
brjótr heyrir nú þjóta,
at myni mundelds meiðir
mars svinnr ófni hafna?
þó skal þeira ráða,
þorn-Bil, ef goð vilja,
œgir alnar leygjar
ókvíðandi bíða.
 
The new edition is unavailable.
This text is from an old edition
Orrostur hefk áttar,
þærs ágætar þóttu,
gerðak mǫrgum mǫnnum
mein, fimm tøgu ok eina;
eigi hugðak orma
at aldrlagi mínu;
verðr mjǫk mǫrgu sinni,
þats minst varir sjálfan.
 
The new edition is unavailable.
This text is from an old edition
Gnyðja mundu grísir
ef galtar hag vissi;
mér er góinn at grandi,
grafa inn rǫnum sínum;
ok harðliga hroknir
hafa mik sogit ormar;
nú munk nár af bragði
ok nær dýrum deyja.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.