skaldic

Skaldic Poetry of the Scandinavian Middle Ages

Menu Search

Lausavísur — Keth LvVIII (Ket)

Ketill hœngr

Ketill hœngr, Lausavísur — Beatrice La Farge

Not published: do not cite (Keth LvVIII (Ket))

 

Hér munk þiggja;
hygg at valdi
finns fjǫlkynngi
feiknaveðri;
í allan dag
einn jósk við þrjá;
hvalr kyrði sæ -
hér munk þiggja.
 
The new edition is unavailable.
This text is from an old edition
Skríð af kjálka,
kyrr þú hreina,
seggr síðfǫrull,
seg hvat heitir
 
The new edition is unavailable.
This text is from an old edition
Hængr ek heiti,
kominn ór Hrafnistu,
hefnir Hallbjarnar;
hví skríðr þú enn armi?
friðmálum mæla
munkat við finn ragan,
heldr munk boga benda,
þanns mér Brúni gaf.
 
The new edition is unavailable.
This text is from an old edition
Hæng kalla mik
hálfu nafni,
munk veita þér
viðnám heðan;
skalt víst vita,
áðr vit skiljum,
at búkǫrlum
bíta ǫrvar.
 
The new edition is unavailable.
This text is from an old edition
Munk af auði
eigi láta
ok fyr einum þér
aldri renna;
fyr skal þér hǫggvin
hlíf fyr brjósti
ok fyr sjónum
svart at ganga.
 
The new edition is unavailable.
This text is from an old edition
Munkat gulli
við Gusi skipta
né heldr fyrri
til friðar mæla;
mér er bráðr bani
betri miklu
en hugleysi
ok heðankváma.
 
The new edition is unavailable.
This text is from an old edition
Feigr ert þú nú,
finnr enn ragi,
er þú fóttrøðr
flein þinn rangan.
 
The new edition is unavailable.
This text is from an old edition
Hvat er þat býsna,
er við berg stendr,
ok gapir eldi yfir?
búsifjar okrar
hykkat batna munu;
lít þú á ljósvega.
 
The new edition is unavailable.
This text is from an old edition
Hjálmr ok Stafnglámr,
hlífið ykr báðir,
gefið rúm gǫmlum
at ganga framar hóti.
 
The new edition is unavailable.
This text is from an old edition
Fljúga folknǫðrur,
frækn er Dala-kappi,
ljótr er leikr eggja,
lítit er skegg á karli;
skrapa skinnkyrtlar,
skjálfa járnserkir,
hristask hringskyrtur,
hræðisk biðill meyjar.
 
The new edition is unavailable.
This text is from an old edition
Hvat er þat flagða,
er sék á fornu nesi
ok glottir við guma,
at uppverandi sólu,
er hefk enga fyrr
leiðiligri litit.
 
The new edition is unavailable.
This text is from an old edition
Einhlítr þóttumk,
áðr hér kómum,
of flestar allar farar,
hvats ferlig
flǫgð of gleipa;
lastak dreng dæsinn,
drífk á vit fanga.
 
The new edition is unavailable.
This text is from an old edition
Hykkat fyrir vinnask,
hvats Forað mælir;
nauðir mik hvǫttu,
nánum áttak bjarga;
hættak eigi
á hólm til sela,
ef í eyju
ærnir væri.
 
The new edition is unavailable.
This text is from an old edition
Ungr var ek heima,
fórk einn saman
opt í útveri;
marga myrkriðu
fank á minni gǫtu;
hræddumk aldri flagða fnǫsun.
 
The new edition is unavailable.
This text is from an old edition
Langleit ert, fóstra,
lætr róa nefit;
hefka flagð
ferligra litit -
eða hvert hefr þú fǫr gǫrva?
 
The new edition is unavailable.
This text is from an old edition
Ǫrum trúik mínum,
en þú afrendi þinni,
fleinn mun þér mæta,
nema þú fyrir hrøkkvir.
 
The new edition is unavailable.
This text is from an old edition
Ketill ek heiti,
kominn ór Hrafnistu,
þar vark upp of alinn;
hugfult hjarta
veitk hlífa mér;
þó vildak gisting geta.
 
The new edition is unavailable.
This text is from an old edition
Upp munk rísa
ok eigra haugi af,
alls mér Bǫðmóðr býðr;
bróðir minn,
þótt sæti brautu nær,
myndit betr hafa boðit.
 
The new edition is unavailable.
This text is from an old edition
Óðin blóta
gerðak aldrigi;
hefk þó lengi lifat;
Framarr veitk
at falla mun
fyrr en þetta háva hǫfuð.
 
The new edition is unavailable.
This text is from an old edition
Dregsk nú Dragvendill,
deila krás arnar;
mættir meingǫldrum,
máttira bíta;
hins mik eigi varði,
at hrøkkva myndi
eggjar eitrherðar,
þótt Óðinn deyfði.
 
The new edition is unavailable.
This text is from an old edition
Hvat er þér Dragvendill,
hví ert slær orðinn,
til hefk nú hǫggvit,
tregt er þér at bíta;
hliðar at hjǫrþingi,
hefra þér fyrr orðit
bilt í braki málma,
þars bragnar hjoggusk.
 
The new edition is unavailable.
This text is from an old edition
Þarfatt oss eggja,
eiga mér sjaldan
fyrðar flugtrauðum
frýja stórhǫggva;
bít nú Dragvendill
eða brotna ella;
horfin er heill báðum,
ef hrøkkr sinn þriðja.
 
The new edition is unavailable.
This text is from an old edition
Hræðiskat faðir meyjar
meðan heill er Dragvendill;
vita víst þykkjumk,
verðrat bilt þrysvar.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.