skaldic

Skaldic Poetry of the Scandinavian Middle Ages

Menu Search

Lausavísur — Hjþ LvVIII (HjǪ)

Hjálmþér Ingason

Hjálmþér Ingason, Lausavísur — Richard L. Harris

Not published: do not cite (Hjþ LvVIII (HjǪ))

 

Hjálmþér ek heiti;
hverr spyrr at því,
seggr enn svartleiti,
á sædýri;
drepa skulum drengi,
en dýrgripi eignask,
fúll falsari,
ella flý á brott.
 
The new edition is unavailable.
This text is from an old edition
Hver er sú drósa
er drjúgt um nætr
flanar ok flǫktir
með fíls hala;
ólík þykkir mér
ǫðrum vífum,
eða hvaðan komt
Hrauðungs mær?
 
The new edition is unavailable.
This text is from an old edition
Hræðilig
munt þykkja hǫlda liði,
þótt oss í sinni sér,
engan seggja
þú svíkja munt
vǫsk vinkona.
 
The new edition is unavailable.
This text is from an old edition
Kant mjúkligar,
mær en harðleita,
leika at hrækerti
en hǫldar aðrir sex;
sel mér sárloga,
sveipinn orms dýnu;
fúss emk fljóð kyssa,
ferr sem má jǫfri.
 
The new edition is unavailable.
This text is from an old edition
Hvert er þat bákn,
er í bjargi sitr
ok sér of konungs sveit,
enga veitk þér
ámátligri
alna fyr jǫrð ofan.
 
The new edition is unavailable.
This text is from an old edition
Þik mun snerta
Snarvendill fyrr,
en þú á seyði
setir konungs arfa,
handar munt missa
ok hátt æpa,
svá munum skilja,
skauð et aumasta.
 
The new edition is unavailable.
This text is from an old edition
Vaki þú Ǫlvir,
ef vilt víf sjá,
þú ert kossmildr
við konur harðla;
hér bíða þín
Hrauðungs meyjar,
hverf þú við þeim,
ef þér hugr dugir.
 
The new edition is unavailable.
This text is from an old edition
Gakk framar hóti,
fyrr en á seyði dragir
þenna þjóðkonung,
þú ert flagð et ferligsta;
et framm járnhrǫmmum,
ef afli treystir,
drós en dulrífa,
en ek mun dverga smíði.
 
The new edition is unavailable.
This text is from an old edition
Heill sit, Hundingi,
hef ek engan gram
þér æðra hitt
undir heims skauti;
ferr þín frægð
ok fégjafar,
því kom ek hingat
hilmis at vitja.
 
The new edition is unavailable.
This text is from an old edition
Hjálmþér ek heiti,
hirði ek fátt segja
fylki framvísum
á fyrsta kveldi;
vil ek eigi hvarfla
á hallar gólfi,
seg mér til sætis,
sonr emk grams Inga.
 
The new edition is unavailable.
This text is from an old edition
Ǫlvir hann heitir,
er aldrigi hræðisk
eld né eggjar
eða hergengi;
borinn sem buðlungar,
þeir sem bezt eru,
mætri en mildingar,
minn er fóstbróðir.
 
The new edition is unavailable.
This text is from an old edition
Hǫrðr hann heitir,
hefir fátt prýði,
velr um vápn sjaldan,
vill eigi skart þiggja;
ǫllungis einnig
ekki hræðisk,
maðr mjǫk snarligr,
mikils ek hann met.
 
The new edition is unavailable.
This text is from an old edition
Ungr vark heima
ok ǫllu skipaða
skatna liði
at skapi mínu;
gegndi þat fullvel
fylki vísum,
brǫgnum vel bornum,
ok buðlungs sveinum.
 
The new edition is unavailable.
This text is from an old edition
Berum á baki okru
brodda framkeyri,
launum svá líf hónum,
latum hann eigi eptir;
heygjum Hǫrð hvergi,
fyrr en heim komum,
grǫfum ítran heima
hallar vegg undir.
 
The new edition is unavailable.
This text is from an old edition
Hvarf enn hugprúði
Hǫrðr ór fǫr minni,
greitt ert glíkr hónum;
gáik því eigi drekka.
 
The new edition is unavailable.
This text is from an old edition
Brott er Snarvendill
ór slíðrum horfinn,
mák eigi víg vekja,
veldr því Ǫlvir,
hefna myndak Harðar,
ef hann hér væri,
ok rjóða minn mæki
í manna blóði.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.