skaldic

Skaldic Poetry of the Scandinavian Middle Ages

Menu Search

Lausavísur — Herv LvVIII (Heiðr)

Hervǫr

Hervǫr, Lausavísur — Hannah Burrows

Not published: do not cite (Herv LvVIII (Heiðr))

 

Áka várri
vegsemð hrósa,
þótt hefði Fróðmars
fengit hylli;
fǫður hugðumk ek
fræknan eiga;
nú er sagðr fyr mér
svínahirðir.
 
The new edition is unavailable.
This text is from an old edition
Nú fýsir mik
fóstri at vitja
framm genginna
frænda minna;
auð mundu þeir
eiga gnógan;
þann skalk ǫðlask,
nema ek áðr fǫrumk.
 
The new edition is unavailable.
This text is from an old edition
Skal skjótliga
af skǫr búa
blæju líni,
áðr braut fari,
mikit býr í því,
er á morgin skal
skera bæði mér
skyrtu ok ólpu.
 
The new edition is unavailable.
This text is from an old edition
Bú mik at ǫllu
sem bezt kunnir,
sannfróð kona,
sem son myndir;
satt eitt mun mér
í svefn bera;
fæk ekki hér
ynði et næsta.
 
The new edition is unavailable.
This text is from an old edition
Munkat ganga
gistingar til,
þvít eigi kank
eyjarskeggja;
seg hraðliga,
áðr heðan líðir,
hvar eru Hjǫrvarði
haugar kendir?
 
The new edition is unavailable.
This text is from an old edition
Men bjóðum þér
máls at gjǫldum;
muna drengja vin
dælt at letja;
fær þú eigi mér
fríðar hnossir,
fagra bauga,
svát farak eigi.
 
The new edition is unavailable.
This text is from an old edition
Hirðumat fælask
við fnǫsun slíka,
þótt of alla ey
eldar brenni;
látum okkr eigi
liðna rekka
skjótla skelfa -
skulum við talask.
 
The new edition is unavailable.
This text is from an old edition
Vaki Angantýr,
vekr þik Hervǫr
eingadóttir
ykkur Svôfu;
sel mér ór haugi
hvassan mæki,
þanns Sváfrlama
slógu dvergar.
 
The new edition is unavailable.
This text is from an old edition
Hervarðr, Hjǫrvarðr,
Hrani, Angantýr,
vek ek yðr alla
und viðar rótum
hjálmi ok með brynju,
hvǫssu sverði,
rǫnd ok með reiði,
roðnum geiri.
 
The new edition is unavailable.
This text is from an old edition
Mjǫk eruð orðnir
Arngríms synir
megir at meinsamir
moldar-auka;
er engi skal
sona Eyfuru
við mik mæla
í Munarvági.
 
The new edition is unavailable.
This text is from an old edition
Svá sé yðr ǫllum
innan rifja,
sem ér í maura
mornið haugi,
nema sverð selið
þats sló Dvalinn;
samira draugum
dýr vápn bera.
 
The new edition is unavailable.
This text is from an old edition
Segir eigi satt mér
- svá lati áss þik
heilan í haugi -
sem þú hafir eigi
Tyrfing með þér;
trautt er þér at veita
eingabarni
einar bænir.
 
The new edition is unavailable.
This text is from an old edition
Brennið eigi svá
bál á nóttum,
at ek við elda
yðra fælumk;
skelfrat meyju
muntún hugar,
þótt draug séi
í durum standa.
 
The new edition is unavailable.
This text is from an old edition
Ek vígi svá
virða dauða,
at ér þolið
aldri kyrrir;
sel mér, Angantýr,
út ór haugi
hlífum hættan
Hjálmars bana.
 
The new edition is unavailable.
This text is from an old edition
Maðr þóttumk ek
menskr til þessa,
áðr sali yðra
sækja réðak;
sel mér ór haugi
þanns hatar brynjur,
dverga smíði;
dugira þér leyna.
 
The new edition is unavailable.
This text is from an old edition
Ek mun hirða
ok í hendr nema
hvassan mæki,
ef hafa mættak;
uggik eigi
eld brennanda,
þegar loga lægir
er ek lít yfir.
 
The new edition is unavailable.
This text is from an old edition
Vel gerðir þú,
víkinga niðr,
er seldir mér
sverð ór haugi;
betr þykkjumk nú
buðlungr hafa,
en Nóregi
næðak ǫllum.
 
The new edition is unavailable.
This text is from an old edition
Ek mun ganga
til gjálfrmara;
nú er hilmis mær
í hugum góðum;
lítt rækik þat,
lofðunga niðr,
hvé synir mínir
síðan deila.
 
The new edition is unavailable.
This text is from an old edition
Búið ér allir,
brott fýsir mik,
heilir í haugi,
heðan vilk skjótla.
Helzt þóttumk nú
heima í millum,
er mik umbhverfis
eldar brunnu.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.