skaldic

Skaldic Poetry of the Scandinavian Middle Ages

Menu Search

Lausavísur — KrákÁsl LvVIII (RagnSon)

Kráka/Áslaug Sigurðardóttir

Kráka/Áslaug Sigurðardóttir, Lausavísur — Rory McTurk

Not published: do not cite (KrákÁsl LvVIII (RagnSon))

 

Þorik eigi boð brjóta,
er báðuð mik ganga,
né ræsis kvǫð rjúfa,
Ragnarr við þik stefnu;
mangi er mér í sinni,
mitt er bert hǫrund eigi,
fylgi hefi ek fullgott,
ferk ein saman, mínu.
 
The new edition is unavailable.
This text is from an old edition
Vammlausa skalt vísi,
ef vilt griðum þyrma,
heim hǫfum hilmi sóttan,
heðan mik fara láta.
 
The new edition is unavailable.
This text is from an old edition
Þorik eigi þann þiggja,
er Þóra hjǫrtr átti,
serk við silfr of merkðan,
sama ælig mér klæði;
því em ek Kráka kǫlluð
í kolsvǫrtum vôðum,
at ek hef grjót of gengit
ok geitr með sæ reknar.
 
The new edition is unavailable.
This text is from an old edition
Þríar vit skulum þessar,
ok þó saman, byggja
hvárt sér nætr í hǫllu,
áðr heilug goð blótim;
þá munut mein á mínum
megi til lǫng of verða,
heldr ert bráðr at byrja
þann, er bein hefr engi.
 
The new edition is unavailable.
This text is from an old edition
Hvat segið ér ór yðru,
eru Svíar í landi,
eða elligar úti,
allnýs konungs spjalli?
fregit hefk hitt at fóru,
en fremr vitum eigi,
ok hildingar hǫfðu
hlunnroð, Danir sunnan.
 
The new edition is unavailable.
This text is from an old edition
Kaga létu mik mínir
mávangs synir lǫngum;
ér eruð heim og heiman
húsgangs meðalfærir;
Rǫgnvaldr tók at rjóða
rǫnd í gumna blóði,
hann kom yngstr til Óðins,
ógndjarfr, sona minna.
 
The new edition is unavailable.
This text is from an old edition
Eigi myndi yðvar
óhefnt vera bræðra
eitt misseri eptir,
ef ér dæið fyrri;
lítt hirðik því leyna,
ef líf hafa knætti
Eiríkr sitt ok Agnarr,
óbornir mér niðjar.
 
The new edition is unavailable.
This text is from an old edition
Þér annk serk enn síða
ok saumaðan hvergi
við heilan hug ofnu
ór hársíma gránu;
mun eigi ben blæða
né bíta þik eggjar
í heilagri hjúpu;
var hón goðum signuð.
 
The new edition is unavailable.
This text is from an old edition
Sonr beið einn, sás áttak,
í austrvegi dauða,
Hvítserkr var sá heitinn,
hvergi gjarn at flýja;
hitnaði hann af hǫfðum
hǫggvins vals at rómu;
kaus þann bana þengill
þróttar-snjallr, áðr felli.
 
The new edition is unavailable.
This text is from an old edition
Hǫfðum létu of hrundit
hundmǫrgum gram undir,
at feigum bǫr folka
fingi eldr yfir syngja;
hvat skyli beð enn betra
bǫðheggr und sik leggja;
olli, deyr við orðstír
allvaldr, jǫfurr falli.
 
The new edition is unavailable.
This text is from an old edition
Sitja veiðivitjar
vals á bragna halsum;
bǫl er þat's hefr of hafnat
hrafn Sigurðar nafni;
blása nýtinjótar
nás í spán at hánum;
ofsnemma lét Óðinn
alf valmeyjar deyja.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.