skaldic

Skaldic Poetry of the Scandinavian Middle Ages

Menu Search

Lausavísur — GunnHám LvV (Nj)

Gunnarr Hámundarson

Gunnarr Hámundarson, Lausavísur — R. D. Fulk

Not published: do not cite (GunnHám LvV (Nj))

 

Menn eru sízt at sǫnnu,
slíkt talar þjóð í hljóði,
(opt heyrt er þat) eptir,
ǫll, á Rangárvǫllum;
Mǫrð frák gígju gerðu
gunnhríðir margkunnar;
engr var seima sløngvir
slíkr at spekt ok ríki.
 
The new edition is unavailable.
This text is from an old edition
Heyrt hafak, hrings at bjartrar
Hristi þráðs með ráðum
jarðar undirgerðar
álmr, væntik, þik rænti;
réðu hodda hlæði
haldendr við þik skjaldar,
áðr rauð seima sneiðir
sverð, at hann eigi berðisk.
 
The new edition is unavailable.
This text is from an old edition
Þér skalk Hrútr at hváru
(hefk óð) í dag (góðan)
skora á hólm ok hjálma
haldruðr við mik skjalda,
þeir sé er hirðendr heyra
Heðins gáttar nú váttar,
auðs nema út vilir greiða
ǫlr mund refils grundar.
 
The new edition is unavailable.
This text is from an old edition
Auðs munu æsikimeiðar
óttlaust fyr því njóta
hægs, at hvergi ljúgum,
hjǫrþings, til penninga;
ferr, en vitnis varrar
vér rjóðum, þá fljóði
verr en oss, ok errinn
álmr hraustr funa hjálma.
 
The new edition is unavailable.
This text is from an old edition
Þú hefr átgjǫrnum erni
(etr hrafn) verit betri,
greiðir (gumna dauða)
gjálfrdags, en þér sjálfum;
hér gengr margr í morgin
muninn bekki vargs drekka,
æstr, en þik tekr þyrsta,
þingálmr fetilstinga.
 
The new edition is unavailable.
This text is from an old edition
Æst skalk geir ok geystan
gnýsvellanda fella,
hlæðir, hildar skóða,
hjálmangrs, þegar fanga;
ǫlungrundar, skal Endils
eykríðandi of síðir,
eitrs, ok, eyðir, láta
ǫrt líf Sigar drífu.
 
The new edition is unavailable.
This text is from an old edition
Feldan hefk þann eyði ǫldu
eisu, er kunni hildi at reisa,
leyfðan frák at Hallgrímr hefði
hjálma vǫnd, í ǫðrum lǫndum;
allir viti, hvé úlfa fylli
atgeirr of kom dyggum, skatnar;
hann skal mér, þvít herskap kunnum,
hendi-fylginn lífs til enda.
 
The new edition is unavailable.
This text is from an old edition
Víst spurðir þú vasta
viggrennanda þenna,
hrøkkviglópr, áðr hleyptuð,
harðr, ór mínum garði,
hvárt vígstæris væri
(vér rjóðum spjǫr blóði)
þess skalk heiptar hvessi
hefna, réttar stefnur.
 
The new edition is unavailable.
This text is from an old edition
Þykkjumk, flýtir flokka,
fámennr riðinn, sennu,
víst brák hrafns á hausti
hungri, brott ór Tungu,
þvít, eldveitir ǫldu,
ek fýsumk þat lýsa,
(merg etr valr frá vargi
villr) dreymði mik illa.
 
The new edition is unavailable.
This text is from an old edition
Hykk at þat myni þykkja
þvengláðs Njǫrun engu
dýnu, darra reynir
driptar, máli skipta;
móins jarðar gakk myrðir
meir framm í dyn geira,
leygs ef reið skal ráða
Rínar hǫfði mínu.
 
The new edition is unavailable.
This text is from an old edition
Munu, elds beiðir, eyðask,
ár, fésjóðar várir,
geig þótt gervim eigi
geirleiks stǫfum fleirum,
enn ef ek skal runna
unnviggs þás hér liggja,
mín nem mál ok greinir
mætr, gǫrvalla bæta.
 
The new edition is unavailable.
This text is from an old edition
Ullr, munu, Ekkils vallar
andrs, nǫkkurir standa
jafnir unda stefni
á Rínar veg mínum,
áðr gnýjarðar girðis
græðendr mynim hræðask
geisla, gljúfra fǫsla
gætir fagrasætis.
 
The new edition is unavailable.
This text is from an old edition
Hverr hefr dreyrgra darra
dómreynir til, sóma
niðr drepr sveigar Sága,
síns ágætis, mínum;
engr skal lítils lengi
liðs ráðandi biðja;
fús verðr fagrmjǫls dísi
Fenju hǫnd á venju.
 
The new edition is unavailable.
This text is from an old edition
Mælti dǫgla deilir
dôðum rakkr, sás háði
bjartr með beztu hjarta
benrǫgn, faðir Hǫgna;
heldr kvazk hjalmi faldinn
hjǫrþilju sjá vilja
vættidraugr an vægja,
val-Freyju stafr, deyja,
val-Freyju stafr, deyja.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.