skaldic

Skaldic Poetry of the Scandinavian Middle Ages

Menu Search

Hallmundarkviða — Hallm HallkvV (Bergb)

Hallmundr bergbúinn

Hallmundr bergbúinn, Hallmundarkviða — Tarrin Wills

Not published: do not cite (Hallm HallkvV (Bergb))

 

Hrynr af heiða fenri,
hǫll taka bjǫrg at falla,
fátt mun at fornu setri
fríðs aldjǫtuns hríðar;
gnýr, þás gengr enn hári
gramr of døkkva hamra.
Hátt stígr hǫllum fæti
Hallmundr í gný fjalla,
Hallmundr í gný fjalla,.
 
The new edition is unavailable.
This text is from an old edition
Hrýtr af Hanga brjóti
harðvirkr megingarða,
gnýr er of seima særi
sáman, eldr enn kámi;
eimyrju lætk áma
upp skjótliga hrjóta;
verðr of hrungnis hurðir
hljóðsamt við fok glóða,
hljóðsamt við fok glóða.
 
The new edition is unavailable.
This text is from an old edition
Laugask lyptidraugar
liðbáls at þat síðan,
vǫtn koma heldr of hǫlda
heit, í foldar sveita;
þat sprettr upp und epli
aurs þjóð vera jóða,
hyrr munat hǫldum værri
heitr, þars fyrða teitir,
heitr, þars fyrða teitir.
 
The new edition is unavailable.
This text is from an old edition
Springa bjǫrg ok bungur
bergs, vinnask þá, stinnar
stór, ok hǫrga hrærir
hjarlborg, firar margir;
þytr var of Þundar glitni,
þrammak á, fyr skǫmmu,
en fagna þess þegnar
þeir hvívetna fleiri,
þeir hvívetna fleiri.
 
The new edition is unavailable.
This text is from an old edition
Þýtr í þungu grjóti
"þrír eskinnar svíra";
undr láta þat ýtar
enn er jǫklar brenna;
þó mun stórum mun meira
morðlundr á Snjógrundu
undr, þats ór mun standa,
annat, fár, of kanna,
annat, fár, of kanna.
 
The new edition is unavailable.
This text is from an old edition
Spretta kámir klettar,
knýr víðis bǫl hlíðir,
aurr tekr upp at færask,
undarligr ór grundu;
hǫrgs munu hǫldar margir,
himinn rifnar þá, lifna,
rignir mest, at regni
røkkr, áðr heimrinn søkkvisk,
røkkr, áðr heimrinn søkkvisk.
 
The new edition is unavailable.
This text is from an old edition
Stíg ek fjall af fjalli,
ferk opt litum, þoptum,
geyst ferk norðr et nyrðra
niðr í heim enn þriðja;
skegg berr opt, sás uggir,
ámr, við minni kvámu,
brýtk við bjarga gæti
bág, í Élivága,
bág, í Élivága.
 
The new edition is unavailable.
This text is from an old edition
Várum húms í heimi,
hugðak því svát dugði,
vér nutum verka þeira,
vallbingr, saman allir;
undr er, hví "ǫrvar" myndi
"eitr . . yðin" mér heita,
þó ef ek þangat kæma,
þrekramms á vit, "glamma",
þrekramms á vit, "glamma".
 
The new edition is unavailable.
This text is from an old edition
Dauðan mér frá morði,
mun ván ara kvánar,
handan hrímnis kindar
hárskeggjaðan báru;
en steinnǫkkva styrkvan,
stafns plóglimum grǫfnum,
járni fáðan Aurni,
auðkendan, réðk senda,
auðkendan, réðk senda.
 
The new edition is unavailable.
This text is from an old edition
Sterkr, kveða ilt at einu
oss við þann at senna,
Þórr veldr flotna fári;
feldr er sás jǫklum eldir;
þverðr er áttbogi urðar,
ek fer gneppr af nekkvi,
niðr í Surts ens svarta
sveit í eld enn heita,
sveit í eld enn heita.
 
The new edition is unavailable.
This text is from an old edition
Veðk sem mjǫll í milli,
mart's eimyrkligt, heima;
springr jǫrð, þvíat þangat
Þór enn kveðk svá fóru;
breitt's und brún at líta
bjargálfi mér sjálfum,
heldr skek ek hvarma skjǫldu;
harmr stríðr er ek fer víða,
harmr stríðr er ek fer víða.
 
The new edition is unavailable.
This text is from an old edition
Einn ák hús í hrauni,
heim sóttu mik beimar
(fimr vark fyrðum gamna)
fyrr (aldrigi) sjaldan;
flokk nemið it eða ykkat,
oddherðar, mun verða,
enn er at aurnis brunni
óhlít, mikit víti,
óhlít, mikit víti.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.