Þórðr Kolbeinsson, Lausavísur — Vol. 5 — Alison Finlay
Út skalt ganga -
illr þykki mér
gleymr þinn vesa
við griðkonur;
sitr þú á ǫptnum,
es inn komum,
jafnauðigr mér -
út skalt ganga.
The new edition is unavailable.
This text is from an old edition
Muna mun Bjǫrn, at Birni
bauga Grund ór mundum,
snót en snerriláta,
slapp Hítdœlakappa;
skapat vas mér, en mjórar
munat þrjótr konu njóta,
(ráð es slíkt til snúðar)
sveigar þǫll at eiga.
The new edition is unavailable.
This text is from an old edition
Sextán vas hugr hjóna,
hverr lifði sér (þverri
raus) einn (óru húsi),
auð-Hlín, at mun sínum,
áðr garðvita gerði
grundar einn fyr stundu
stríðir stǫkk í búðum
stórgeðr liði óru.
The new edition is unavailable.
This text is from an old edition
Út skalt ganga -
oss selduð mjǫl
rautt áliti,
rúg sagðir þú;
en þás virðar
vatni blendu,
vas aska ein -
út skalt ganga.
The new edition is unavailable.
This text is from an old edition
Hvat skyldir þú halda
heimaríkr at slíku
enn (hǫfumk orkn of skemðan)
ár á mínu sári?
þat mun sorg, und saurgum,
seimþollr, hala kollu
remmitungls at rǫngum
randalfr greipt þú kalfi.
The new edition is unavailable.
This text is from an old edition
Hvestum tolf, en tvistir
társ, mær, gefendr vôru
Leifa vegs, í Laufa
laungǫgl Beruhrauni;
ofláta sák ítran,
áðr sték fljótt á grjóti,
(hafa vildu þá hǫlðar
herðimann) í gerðum.
The new edition is unavailable.
This text is from an old edition
Þorns veitk at berr Birni
Baldr rógs sǫgu skjaldar
(neytr þykkisk sá nýtir
naðrbings) an mér aðra,
þvít enn (þœtti betri
þǫgn élviðum Hǫgna)
nú's eldskerðir orðinn
eggleiks bani tveggja.
The new edition is unavailable.
This text is from an old edition
Bjǫrn tekr brátt es mornar,
bráðr við illu ráði;
grǫnum es vanr at grípa
glópr við hverju hrópi;
ok hvikmála hœlir
hveimleiðr með stjǫl breiðan,
sanni firðr ok svinnu,
siti hann vesalstr manna.
The new edition is unavailable.
This text is from an old edition
Ǫllungis biðk allar,
atgeirs, ok skeið þeira,
(rétt skilk) rammar véttir,
ruðr óps, þærs hlýrn skópu,
at, stríðbendi, standi,
stálgaldrs en ek valda,
blóðugr ǫrn of Birni
bráðgjarn hǫfuðsvǫrðum.
The new edition is unavailable.
This text is from an old edition
Lóskat, - snarr, at snerru
segg þann bitu eggjar,
hinn's fyr heiði sunnan,
hugprýði mér frýði, -
at, morðvanðan, myndak
(meins hlutum rán af beini),
bitu þann fyr sǫk sanna
sverð, hans bani verða.
The new edition is unavailable.
This text is from an old edition
Hvert stefnið ér hrafnar
hart með flokk enn svarta?
Farið ljóst matar leita
landnorðr frá Klifsandi;
þar liggr Bjǫrn, en Birni
blóðgǫgl of skǫr stóðu,
(þollr hné hjalms), á hjalla
Hvítings ofar lítlu.
The new edition is unavailable.
This text is from an old edition
Móðr verðk mitt hross leiða,
mjúk verðra fǫr sjúkrar,
(reið esa fljót) uns Fríði
fjargvefjar dag margan;
þvít (hjǫrborgar) hvergi
Hlǫkk unði sér dǫkkvar
(mikit stríð vas þat -Móða
merki-) skins fyr verkjum.
The new edition is unavailable.
This text is from an old edition