skaldic

Skaldic Poetry of the Scandinavian Middle Ages

Menu Search

Hrafnsdrápa — GSvert HrafndrIV

Guðmundr Svertingsson

Guðmundr Svertingsson, Hrafnsdrápa — Valgerður Erna Þorvaldsdóttir

Not published: do not cite (GSvert HrafndrIV)

 

Sviðr braut sinni ǫðru
sundr menbroti grundar,
brast glymfjǫturr Gizka,
garð, fyr knarrar barði,
áðr veðrlostinn vestan
veggǫndr framir seggir
(meðr stigu glatt af græði
grund) við Nóreg bundu.
 
The new edition is unavailable.
This text is from an old edition
Getk þess's gekk at lúta
geðfastr enum helgasta
bǫlhnekkjandi af blakki
blás vandar Tómási;
sǫkkrennir bjó sína
suðr drengiligr lengra
fǫr, sem fyrðar heyra,
fœti sôl at bœta.
 
The new edition is unavailable.
This text is from an old edition
Ferð kom fleina rýrir
framm, jókeyris Glamma
lýðr sá storma stríða
stund, til Jákóbs fundar.
 
The new edition is unavailable.
This text is from an old edition
Sótti Hrafn at hitta
hǫggusárr af fári
maðr eða meiddr at ǫðru
margr hinns þurfti bjargar;
hverr gekk hodda støkkvir
heill (segik á því deili)
lóns ok leystr frá meinum
leygvarðanda ór garði.
 
The new edition is unavailable.
This text is from an old edition
Guðmundr bauð enn góði
(getk jafnan þess) Hrafni,
síð man at enda óðar,
útferð með sér, lúta;
farar leizk flotna stýri
fallinn bezt með ǫllu
geira veðrs til góðrar
gjóð-nistir forvistu.
 
The new edition is unavailable.
This text is from an old edition
Foraðsvanda hykk fundu
(fyrirsagnir þraut) bragna,
þjóð vas þá við leiði
þreytin segls at neyta;
blátt vas of borð at líta
brekafall vega alla,
bræddr þars bôrum ruddi
barðjór, ok skergarða.
 
The new edition is unavailable.
This text is from an old edition
Gekk á grœðis blakki
greppr of nótt við ótta,
Hramn varð, sem getk, gumnum
gagnsmaðr, til leiðsagnar;
heggr fekk hvôru tveggja
hauktorgs vita borgit
(sýlði segl ok bulði
svǫl hrǫnn) skipi ok mǫnnum.
 
The new edition is unavailable.
This text is from an old edition
Rymgœðis varð ráða
randar hóts at njóta
vitr, áðr vígslu gæti,
vegsmaðr, náit saðri;
kjólrennir fór kanna
kynfríðr at þat síðan,
trú þás tóksk með lýðum
tryggð, Háleygja byggðir.
 
The new edition is unavailable.
This text is from an old edition
Hverr gekk hyrjar þverrir
hodda brjót at móti,
hrings es heim kom sløngvir,
haukstrandar fagnandi,
en menfergir mǫrgum
mótrunn frǫmum spjóta
(æ sé øfri skýjum
ókvalðr) gjafar valði.
 
The new edition is unavailable.
This text is from an old edition
Óþokki þreifsk ekka
andærligum blandinn;
fjón grøri ljótlig ljóna
(liðak fátt of þat) miðlum;
beittr vas bragna sættir
(brandél þrifusk) vélum;
stóð þanns stýrði lýðum
stolaherr skǫrung errinn.
 
The new edition is unavailable.
This text is from an old edition
Bauð til friðkaups fróðum
folkprýðandi lýðum
(hann bað sveit fyr sinni
snjallri) einn at falla.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.