skaldic

Skaldic Poetry of the Scandinavian Middle Ages

Menu Search

Heiðreks gátur — Gestumbl HeiðrVIII (Heiðr)

Gestumblindi

Gestumblindi, Heiðreks gátur — Hannah Burrows

Not published: do not cite (Gestumbl HeiðrVIII (Heiðr))

 

Hafa vildak
þats hafðak í gær,
vittu hvat þat var :
lýða lemill,
orða tefill,
ok orða upphefill.
Heiðrekr konungr,
hygg þú at gátu.

 
The new edition is unavailable.
This text is from an old edition
Heiman fórk,
heiman fǫr gerðak,
sák á veg vega,
vegr var undir
ok vegr yfir
ok vegr á alla vega.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat er drykkja,
er ek drakk í gær,
varat þat vín né vatn,
mjǫðr né mungát
né matar ekki,
þó gekk ek þorstalauss þaðan.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverr er enn hvelli,
er gengr harðar gǫtur
ok hefr hann þær fyrr of farit,
mjǫk fast kyssir,
sás hefr munna tvá
ok á gulli einu gengr.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverr er enn mikli,
er líðr mold yfir,
svelgr hann vǫtn ok við,
glygg hann óask,
en gumna eigi
ok yrkir á sól til saka.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverr er enn mikli,
er mǫrgu ræðr
ok horfir til heljar hálfr,
ǫldum bergr,
ein við jǫrð sakask,
ef hefr sér vel traustan vin.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverr byggir háfjǫll,
hverr fellr í djúpa dali,
hverr andalauss lifir,
hverr æva þegir.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra,
er úti sák
fyr Dellings durum;
hǫfði sínu
vísar á helvega,
en fótum til sólar snýr.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra,
er úti sák
fyr Dellings durum;
ókvikvir tveir
andalausir
sáralauk suðu.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra
er úti sák
fyr Dellings durum;
hvítir fljúgendr
hellu ljósta
en svartir í sand grafask.
 
 
 
The new edition is unavailable.
This text is from an old edition
[Hvat's þat undra
er úti sák
fyr Dellings durum],
svartan gǫlt
sák í sauri vaða
ok reis eigi burst á baki.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra,
er úti sák
fyr Dellings durum;
tíu hefr tungur,
tuttugu augu,
fjóra tøgu fóta,
framm líðr sú vættr.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra
er úti sák
fyr Dellings durum;
ofarliga flýgr,
"armlod gellr
harðar eru hillm".
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra,
er úti sák
fyr Dellings durum;
fætr hefr átta
en fjogur augu
ok berr ofar kné en kvið.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra
er úti sák
fyr Dellings durum;
lýðum lýsir,
en lǫgr gleypir,
ok keppask of þat vargar á-valt.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat undra,
er úti sák
fyr Dellings durum;
horni harðara,
hrafni svartara,
skapti réttara,
skjalli hvítara.
Heiðrekr konungr,
hygg þú at gátu.
 
The new edition is unavailable.
This text is from an old edition
Báru brúðir
bleikhaddaðar,
ambáttir tvær,
ǫl til skemmu;
vara hǫndum horfit
né hamri klappat;
þó var fyr eyjar útan
ǫrðigr sás gerði.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro rygjar
á reginfjalli,
elr við kván kona,
mǫg við meyju
mær of getr,
eigut þær varðir vera.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro snótir,
er of sinn dróttin
vápnlausan vega,
enar jarpari
hlífa of alla daga,
en enar fegri fara.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro leikur,
er líða lǫnd yfir
at forvitni fǫður,
hvítan skjǫld
þær of hávetr bera
en svartan of sumar.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro meyjar,
er ganga margar saman
at forvitni fǫður,
hadda bleika
hafa enar hvítfǫldnu
ok eigut þær varðir vera.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro snótir,
er ganga syrgjandi
at forvitni fǫður,
mǫrgum mǫnnum
hafa at meini orðit,
við þat munu aldr ala.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro ekkjur,
er ganga allar saman
at forvitni fǫður,
sjaldan blíðar
eru við seggja lið,
og eigu í vindi vaka.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverjar ro brúðir,
er ganga í brimskerjum
ok eigu ept firði fǫr,
harðan beð
hafa enar hvítfǫldnu
ok leika í logni fátt.
Heiðrekr konungr,
hygg þú at gátu.
 
The new edition is unavailable.
This text is from an old edition
Fara sák
foldar moldbúa,
á sat nár á nái,
blindr reið blindum
brimleiðar til,
jór var andar vanr.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat dýra,
er drepr fé manna,
ok er járni kringt utan,
horn hefr átta,
en hǫfuð ekki,
ok fylgja því margir mjǫk.
Heiðrekr konungr,
hygg þú at gátu.
 
The new edition is unavailable.
This text is from an old edition
Hvat's þat dýra,
er Dǫnum hlífir,
berr blóðugt bak
en bergr firum,
geirum mætir,
gefr líf sumum,
leggr við lófa
lík sitt guma.
Heiðrekr konungr,
hygg þú at gátu.
 
The new edition is unavailable.
This text is from an old edition
Næsta var forðum
nǫsgás vaxin
barngjǫrn sús bar
bútimbr saman,
hlífðu henni
hálms bitskálmir,
þó lá drykkjar
drynhraun yfir.
Heiðrekr konungr,
hygg þú at gátu.
 
The new edition is unavailable.
This text is from an old edition
Fjórir hanga,
fjórir ganga,
tveir veg vísa,
tveir hundum varða,
einn eptir drallar
ok jafnan heldr saurugr.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverr er enn eini,
er søfr í ǫsgrúa,
af grjóti einu gǫrr,
fǫður né móður
áat enn fárgjarni;
þar mun hann aldr ala.
Heiðrekr konungr,
hygg þú at gátu.
 
The new edition is unavailable.
This text is from an old edition
Hest sák standa,
er hýddi merr,
dúði dyndil,
drap hlaun und kvið,
ór skal draga,
en "giopta" at góða stund.
 
 
 
The new edition is unavailable.
This text is from an old edition
Hverir ro þegnar,
er ríða þingi at
sáttir allir saman,
lýða sína
senda lǫnd yfir
at byggva bólstaði.
Heiðrekr konungr,
hygg þú at gátu.
 
The new edition is unavailable.
This text is from an old edition
Sák á sumri
sólbjǫrgum í
verðung vaka
vilgi teita,
drukku jarlar
ǫl þegjandi,
en æpanda
ǫlker of stóð.
Heiðrekr konungr,
hygg þú at gátu.
 
The new edition is unavailable.
This text is from an old edition
Meyjar sák
moldu líkar,
váru þeim at beðjum bjǫrg,
svartar ok sámar
í sólviðri,
en þess fegri er færa of sér.
 
 
 
 
The new edition is unavailable.
This text is from an old edition
Satk á segli,
sák dauða menn
blóðugt hold bera
í bǫrk viðar.
Heiðrekr konungr,
hygg þú at gátu.
 
The new edition is unavailable.
This text is from an old edition
Hverir ro þeir tveir,
er tíu hafa fætr,
augu þrjú
ok einn hala.
Heiðrekr konungr,
hygg þú at gátu.
 
The new edition is unavailable.
This text is from an old edition
Segðu þat þá
ef ert hverjum konungi vitrari,
hvat mælti Óðinn
í eyra Baldri,
áðr hann væri á bál hafðr.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.