…⟨Þár kómu á mót honumxii riddarar alvápnaðir ok margir sveinar.⟩ Þessa riddara hafði Vilhjálmr konungr sent eptir honum at láta drepa hann. Jarlinn hljóp af hestinum, því at hann hafði engan herbúnað. Hann brá sverði ok varði sik um hríð. En fyrir því, at margir véltu um, varð jarlinn handtekinn ok bjósk riddari einn til at hǫggva hann. En þá er jarlinn vissi, hverr hann skyldi hǫggva, þá fyrirgaf hann þeim riddara vandliga ok svá konunginum ok ǫllum ǫðrum þeim, er eptir honum hǫfðu farit, ok til jartegna gaf hann riddara silkikyrtil sinn, þeim er hǫggva skyldi hann. Því næst lagði hann sik til jarðar í kross ok rétti báðar hendr í frá sér, ok var hann þá halshǫggvinn, ok af hans blóði fengu margir menn bót, ok er Valþjófr sannheilagr maðr. Frá þessum tíðendum segir inniliga Þorkell, sonr Þórðar skalla. Hann var hirðmaðr Valþjófs jarls, ok orti hann kvǽði eptir fall jarlsins, ok er þetta þar í:
1Víst hefir Valþjóf hraustan
2 Viljálmr, sá er rauð malma
3hinn er haf skar sunnan
4hélt í trygð um véltan.
… er hann vildi þiggja, ok svá gørði hann nefndi sumar í Vík austr, sumar á Hǫrðalandi, sumar í Þróndheimi, svá at í hverjum kaupstað, er konungr var, þá átti Skúli náliga hi-nar beztu jarðir ok gnógar landskyldir til alls starfs ok kostnaðar í kaupstǫðum. Bǫrn þeira Skúla konungsfóstra ok Guðrúnar, váru þau Ásúlfr á Reini ok Ragnhildr, er átti Kyrpinga-Ormr. Dóttir Kyrpinga-Orms var Ása, móðir Bjarnar bokks. Bǫrn þeira Ásúlfs ok Þóru Skoptadóttur váru þau Guðþormr á Reini ok Sigríðr, er átti Hallkell húkr. Þeira sonr var Jóan, faðir þeira Hallkels ok Rǫgnvalds ok Grego⟨ris⟩. Guðþormr á Reini fekk fyrst Eldríðar, systur Hallkels húks. Þeira dǿtr váru Rangriðr ok Ingiríðr ok Guðrún. Rangríðar fekk Bjarni byrðarsveinn. Þeira dǿtr váru þǽr Eldríðr ok Ingibjǫrg. Dóttir Magnúss konungs ok Eldríðar var Kri-stín, er átti Hreiðarr sendimaðr. Þórir skinnfeldr hafði átta Eldríði. Þeira…