⟨þar como a mot hanumxii riddarar alvapnaðer oc marger svæinar.⟩ Ðessa riddara. hafðe viliamr konongr sennt æftir hanum at lata drepa hann. Jarlenn líop af hestenom þui at hann hafðe engan hærbunað. hann bra sværði oc varðe sic um rið. En firir þui at marger velto um varð jarlenn handtækinn. oc biosk riddare. einn til at hoggva hann. En þa er iarlenn vissi hværr hann skylldi hoggva þa firir gaꝼ hann þeim riddara. vannlega. oc sva konongenom. oc allum oðrum þæím er æftir hanum haꝼðu faret. oc til iartegna gaf hann riddara. silki kyrtil sinn. þeim er hoggva skylldi hann. Ðui nest lagðe hann sik til iarðar i cross oc rette baðar hendr i fra ser. oc var hann þa hals hoggvinn. oc af hans bloðe fengo marger menn bot. oc er valþiofr sann hæilagr maðr Fra þessom tiðendum sægir innilega þorkæll sunr þoraðar skalla. hann var hirðmaðr valþíofs iarls. oc orte hann cvæðe eftir fall iarlsens oc er þetta þar i.
1Vist hæfir valþiof raustan
2 viliamr. sa er rauð malma
3hinn er haf ſkaɼ *sunnan
4hellt i trygð um velltan.
er hann villdi þiggia. oc sva gerðe hann. Nemndi sumar i vik austr. sumar a ⟨horðulande⟩ sumar i þrondheími. sva at i hverium kaupstað er konongr var. þa atte Skuli nalega hi-nar bæztu iarðer oc gnogar landskylldir til allz starfs oc kostnaðar i kaupstaðum Born þeirra Skula konongs fostra oc Guðrunar varo þau Asulfr a reíní oc ragnilldr er atte kyrpinga ormr. Dotter kyrpínga orms var Asa moðer biarnar boks. Born þeirra Asulfs oc þoro skofta dottor varo þau Guðormr a reíní oc sigrið er atte hallkæll hukr Ðeirra sunr var Jon faðer þeirra hallkælls oc ragnvallz oc Grego⟨ris⟩ Guðormr a reíní fecc fyrst ælldriðar systur hallkæls huks. Ðeirra døtr *varo Rangrið oc Jngiriðar oc guðrun. Rangriðar fecc biarne bẏrðar svæinn. Ðeírra døtr varo þær ælldrið oc Jngibiorg. Dotter. magnus. konongs oc elldriðar var kri-stín er atte Reiðar sendimaðr. Þorer skínfælldr hafðe aꞇꞇa elldriði. Ðeírra