Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
1v AM 162 B α fol (162B α)  - 2r 2v 

On this page...

Images

á þinginu ok skal við liggja mundrinn allr ok
þar legg ek við annat fé jafnmikit ok eigi sá hvártveggja
féit er af ǫðrum berr En ef þú
vilt eigi berjask við mik þá skaltu af allri fjárheimtunni
Þá þagnaði Mǫrðr ok rézk um við vini sína
um hólmgǫnguna Honum svaraði Jǫrundr goði
Eigi þarftu at eiga ráð við oss um þetta mál því at þú
mátt þat vita ef þú bersk við Hrút at þú munt
bæði láta lífit ok féit Er Hrúti vel farit því at hann er
mikill af sjálfum sér ok manna frœknastr Þá kvað Mǫrðr
þat upp at hann vildi eigi berjask við Hrút Nú varð óp mikit
at lǫgbergi ok óhljóð mikit ok hafði Mǫrðr ina mestu
svívirðing Ríða menn nú heim af þingi Þeir brœðr
Hǫskuldr ok Hrútr riðu vestr til Reykjardals ok gistu at Lundi
Þar bjó Þjóstólfr son Bjarnar gullbera Regn hafði
verit mikit um daginn ok váru menn orðnir vátir mjǫk váru
þá gǫrvir eldar Sat Þjóstólfr í millum þeira brœðra
sveinar tveir léku á gólfinu þat váru veizlusveinar
Þjóstólfs Mær ein lék hjá
þeim Þeir váru málgir mjǫk ok óvitrir Annarr mælti
Ek skal þér Mǫrðr vera ok stefna þér af konunni ok finna
þat til at þú fáir ekki sorðit Annarr svaraði Ek skal þér Hrútr
vera Rek ek þik af allri fjárheimtunni ef þú þorir
eigi at berjask við mik Þetta mæltu þeir nǫkkurum sinnum
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close