Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
8r AM 113 b folx (113bx)  - 8v 9r 

On this page...

Images

þat es á Íslandi vas ok landit sjalft ok tíundir af
gørvar ok lǫg á lǫgð at svá skal vesa meðan Ísland
es byggt Gizurr byskup lét ok lǫg leggja á þat at stóll
byskups þess es á Íslandi væri skyldi í Skálaholti vesa
en áðr vas hvergi ok lagði hann þar til stólsins
Skálaholtsland ok margra kynja auðœfi ǫnnur bæði
í lǫndum ok í lausum aurum En þá es hónum þótti
sá staðr hafa vel at auðœfum þróazk þá gaf hann
meir en fjórðung byskupdóms síns til þess at heldr
væri byskupsstólar á landi hér en einn svá sem
Norðlendingar æstu hann til En hann hafði áðr látit
telja búendr á landi hér ok váru þá í Austfirðingafjórðungi
hundruð heil en í Rangæingafjórðungi
en í Breiðfirðingafjórðungi en í Eyfirðingafjórðungi
en ótalðir váru þeir es eigi áttu þingfararkaupi
at gegna of allt Ísland
Ulfheðinn Gunnarssonr ens spaka tók lǫgsǫgu
eptir Markús ok hafði sumur þá hafði
Bergþórr Hrafnssonr en þá hafði Goðmundr Þorgeirssonr
sumur Et fyrsta sumar es Bergþórr sagði
lǫg upp vas nýmæli þat gǫrt at lǫg ór skyldi
skrifa á bók at Hafliða Mássonar of vetrinn eptir
at sǫgu ok umbráði þeira Bergþórs ok annarra spakra
manna þeira es til þess váru teknir Skyldu þeir gørva
nýmæli þau ǫll í lǫgum es þeim litisk þau betri
en en fornu lǫg Skyldi þau segja upp et næsta
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close