Scapti hafþi Logſogo svmor Hann setti
fimtar doms Log oc þat at engi vegandi scylldi
lyſa vig a hendr oþrom maɴi en ſer En aþr voro
her slic log of þat sem i Norvegi a hanz dogom
vrþo marger hofþingiar oc ʀikis meɴ seker eþa
Landflotta of vig eþa barſmiþer af rikis sǫcom
hanz oc landſtiorn En hann andadiſc a eno sama are
oc Olavur en Digre fell Haʀallz ſonr Goþroþar ſonar
Biarnar ſonar Harallz ſonar ens Harfagra vetrum
siþar en Olavr felli Tryɢvaſonr þa toc Steiɴ
þorgeſter ſonr Logſogo oc hafþi svmor þa hafþi
þorkell Tiorva ſonr sumor þa hafþi Geller
Bolvercſ ſonr sumor
Jſleifur Gizorar ſonr ens Hvïta vas vigþur til
byſcops a dogom Harallz Norvegs conungs Sigurþar ſonar
Halfdanar ſonar Sigurþar ſonar Hriſa Harallz ſonar ens Harfagra
Enn es þat ſo hofþingiar oc goþer meɴ at jſleifur vas
myklo nytri en aþrir keɴimeɴ þeir es a þvisa laɴdi
nęþi þa selldo honom marger sono sïna til læringar
oc leto vigia til presta þeir vrþu siþan vigþer
til byſcopa Collur er var j vic austr oc joan at
Holom Jſleifur attı sono þeir vrþv aller hofþingiar
nyter Gizor byſcop oc Teitur preſtr faþer Halls oc
þorvalldr Teit fæddi Hallur i Haukadali sa
maþr es þat vas almęlt at milldaſtr vęri oc agęſtr