menota

Menota data services

Menu Search
3r AM 113 b folx (113bx)  - 3v 4r 

On this page...

Images

Enn þeir voro baþer Spaker menn mioc Enn ſiþan eſ meɴ
qvomo til þingſ þa leitaþi hann þeꜱ räþs at Logbergi at
et ſiaunda hvert sumar scylldi auka vicu oc freiſta
hve þa hlyddi En ſva sem Oſyfur reþ draumenn þa
vǫcnoþo aller meɴ viþ þat vel oc vas þa þat þegar
i Log leidt at raþi þorkels mana oc annarra spacra
manna at retto tali i hverio are dagar eɴſ fiorþa
hunþraþs ef eigi eſ Hlaup är enn þa einom fleira
enn at ǫro tali verþa En þa eſ ꜽcſc at ǫro tali
et ſiaunda hvert at vico en øngo at hinu þa verþa
ǫr ſaman iamɴ Long at hvorotveggia En ef hlaupǫr
verþa a miþli þeira eſ ꜹka ſcal þa þarf ꜹca et
setta
Þinga dęilld mikil varþ ä miþli þeira Þorþar Gellis
sonar Olęifs feilaɴſ yr bręiþafirþi oc Odz
þeꜱ er kallaþur var Tungu Oddr haɴ var
Borgfirþſcr þorvalldr sonur hans vas at breɴo Þorkels
bluɴketils ſonar meþ Hæſna þori i Ǫrɴolfsdali
en þorþr Geller varþ hofþingi at soceɴe af
þvi at Herstęinn Þorkelſſonr Bluɴ ketilſſonar atti Þorvnni
syſtor dottor hans Hon vas Helgo dotter oc Guɴarſſ
syster jofriþar es þorstęinn atti Egilsſonr Enn þeir voro sotter
a þingi þvi es var i Borgarfirþi i þeim staþ es siþan es
kallat Þingnes Þat voro þa Log at Vigſacar scylldi
sækia a þvi þingi eſ nęſt vaſ vett vangi En þeir borþoſc
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close