menota

Menota data services

Menu Search
2v AM 113 b folx (113bx)  - 3r 3v 

On this page...

Images

Sva hava oc spacer meɴ ſagt at a vetra yrþi
Jſland albygt ſva at eigi vęri meiʀ siþan Þvi nęr tok
Hramɴ Logſogo Hængs ſonr Laɴama manſz nęſtr
Vlflioti oc hafꝺi sumor Hann var yr ʀangarhverfi
þat var vetrum epter drap eadmundar
conungſ vetri eþa tveim aþr Haralldr en Harfagri
yrþi dꜹþr at tolo spacra maɴa Þorareɴ ʀagabroþer
ſonr Ǫleifs Hialta toc Logſogo nęſtr Hramni oc
hafþi onnor haɴ vaſ borgfirþer
That vaſ oc þa eſ ener Spocoſto meɴ a laɴdi her
hofþo taliþ i tveim miſſerom fiora daga eɴſ fiorþa
huɴdraþſ þat verþa vicur eɴſ ſetta tegar en monoþr
þritøgnattar oc dagar umbfram þa mercþo þeir
at solargangi at sumar et munaþi aptr til varſ enſ
en þat cuɴne engi ſegia þeim at degi einom vaſ fleira
en heilom vicom gegɴdi i tveim miſſerom oc þat olli
Enn maþr het þorſteiɴ Surtr haɴ vaſ Breiþfirþſcr
sonur Hallstęins þorolpſſonar morſtrarſceggia Landnama maɴs
oc Oſcar þorsteins dottor enſ rauþa
Hann drꜽmþi þat at hann hygþiſc veſa at Logbergi þa
es var fiolment oc vaca enn hann hugþi alla menn
aþra ſofa en siþan hvgþiſc hann sofna en hann hugþi þa
alla menn aþra vacna þaɴ draum reþ Øſyfr Helgaſonr moþor faþer
Gellis þorkels ſonar ſva at aller menn myɴdi
þegn varþa meþann hann męllti at Logbergi en siþan eſ hann
þagnaþi at þa myndi aller þat röma es hann hefþi męllt
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close