Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
53r WolfAug 9 10 4° (Wolf)  - 53v 54r 

On this page...

En eina nott er veðr var kyrt logðv þeir i moðv eina þar uar illt til hafna ok vtfiri mikit voru
þar vpp a landit slettvr miklar ok skogi vaxit vida uellir uoru blavtir ok reðu þeir til upp gongv
ok letu eptir menn sina svma v skipin þeir gengv vpp m ꜳnni ok milli skogsins þa varð fyrir þeim
þorp eitt ok bioggv þar i miog margir menn ok flydv þeir þegar or þorpinu Er þeir urðv uarir
v vikinga var þar annat þorp ok hit þridia ok flydi lið þat allt ok þvi kom v diki uoru skorin uiða
vm landit ok voru full af uotnvm En þar voru brvar er yfir skylldi fara stefndi landz folkit allt a morkina
En er vikingar voru komnir i bygðina þa sofnuðuz saman a skoginum .cccc. manna ok foru imoti
vikingum ok reðv til bardaga var þar horð orrusta ok lauk ꜱva at frisir flyðu en vikingar raku flottann
dreifðiz bratt liðit landz manna vids uegar gerðv þeir ꜱva er eptir foru kom þa ꜱva at fair urðu huar saman
Egill sotti fast eptir ok forunautar hans ok voru fair m honum en miok margir foru vndan Komu frisir þar at
er fyrir þeim varð diki ok drogu þeir af bruna er þeir komu yfir þa komu þeir egill at auðru megin Egill
hliop þegar yfir dikit En þat uar ekki anaʀra manna hlaup reð ok engi til hans manna ok snerv allir ofan
til skipa En er frisir sa at einn maðr uar eptir þa snva þeir aptr ok sækia at honum En hann verst
val ok let dikit gæta sin oðru megin ꜱer at æigi matti sækia at honum ollvm megin þeir sottv
hann .xi. en ꜱva lauk þeira v skípti at hann drap þa alla hann skaut þa brvinni yfir dikit ferr hann þa ok
ofan til skipa okva nær skogínum at hann atti hans kost ef hann uilldi Vikingar hofðv farit ofan
m herfang mikit ok m strandhogg stor En er þeir komu til skipanna þa hioggv sumir feit en
sumir fluttv vt ꜳ skipin Sumir stoðu fyrir ofan i skialld borg ok uordv er frisir sottu at
ofan ok skutuz ꜳ hofðv frisir fylkíng aðra En er Egill kom ofan ok sa huat titt uar þa rann
hann at sem snaraz þar sem mann mvgrinn var fyrir hann hafði kesivna fyrir ser en kastaði skilldi nvm
a bak ꜱer hann lagði eðr hio til beggia handa ok gafz honum rum til manna sinna þviatt allt
stokk undan honum þat fyrir er uarð þottuz þeir hann hafa or heliu heímtan gengu þeir þa ꜳ skip ok
helldv fra landi Sigldu þa til danmarkar En er þeir komu til líma fiarðar þa atti Aʀinbiorn husþing
v menn sina hann sagði þa fyrir ætlan sina Nu mun ek leita a fund Eiʀiks sona m liði þvi er mer vill fylgia
hefir ek þat spurt at þeir erv her i landi ok hallda fiolmenni mikit ok erv a svmrum i hernadi en sitia her
a uetrum Vil ek nv gefa lof þeim monnum er þat uilía at fara til noregs En mer syniz þat rað
at tu Egill farir til noregs ok leitir enn sem braðaz til islandz þegar v skiliumz Eptir þat skiptuz menn
a skipunum foru þeir m Agli er aptr villdv til noregs En hinir voru miklu fleíri er eptir voru minbirni
Skilduz þeir Aʀbiorn ok Egill goðir vinir For Aʀinbiorn a fund ◌◌◌ haralldz grafelldz forstra síns ok var m
honum meðan þeir lifðv baðir Egill for til noregs ok hellt i oslv ok var þar fyrir skip hans ok varníngr ok sueitungar
hans þeir er skipinu hofðu fylgt þorsteinn kom a fund hans ok bauð honum mer ok þat þa Egill ok for
þangat v xij. mann En hann vistaði aðra haseta sina i nand ser ◌◌◌ konungs
Haraldr hinn hrfagri hafdi lagt vndir sik verma land hann hafði þa ʀiki austr til uænis
Olafr hafði fyrst rutt tretelgia foður halfdanar En haralldr uar þan kominn
ok hofðu langfeðgar allir raðit fyrir verma landi ok setta yfir syslu menn En er hakon uar gamall
orðinn þa var a verma landi Jarl sa er Armon het Var þar sem uiða at þa greidduz skattar verr
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close