Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
51v WolfAug 9 10 4° (Wolf)  - 52r 52v 

On this page...

kyni ok átti ǫngva frǽndr þar í landi Hafði hann aflat sér fjár á hólmgǫngum ok drepit marga bǿndr
ok var nú orðinn stórauðigr maðr bǽði at lǫndum ok lausum eyri Egill fór af hólminum með virðing ok lof
En þó dvaldisk hann þar lítla hríð Fór hann þá brott ferðar sinnar Skildusk þeir Egill ok Friðgeirr með vináttu
Bauð Egill honum um at heimta saman fé þat er Ljótr hafði átt Fór Egill þá suðr í Fjǫrðum ok svá inn í
Sogn til Þórðar á Aurland Tók hann vel við honum Bar Egill þá upp erendi sitt ok orðsending Hákonar konungs Tók
Þórðr því vel ok hét honum liðveizlu sinni Dvaldisk Egill með Þórði langa stund Fall Atla
Egill gerði fǫr sína suðr á Hǫrðaland ok hǫfðu 30 manna ok hǫfðu með sér róðrarskútu
Þeir kómu um dag í Fenhring á Ask Gekk Egill þar til húss með sveitunga sína Atli hinn skammi
var þar fyrir við nǫkkura menn Egill lét hann út kalla Atli tók vápn sín ok gekk út síðan Egill
mǽlti Svá er mér sagt Atli at þú munir hafa at varðveita fé þat er ek kalla mér arf þann er
átt hefir Bjǫrn hǫldr er Berg-Ǫnundr bróðir þinn helt fyrir mér Vil ek þess krefja þik at þú látir
þat út fara mér Lengi hǫfum vér þat heyrt sagði Atli at þú sér ójafnaðarmaðr mikill en nú er
ek at sannri frétt um kominn er þú ǽtlar at kalla til fjár þess í hendr mér er Eiríkr konungr dǿmdi
til handa Berg-Ǫnundi bróður mínum Réð Eiríkr konungr þá bǽði boði ok banni Hugði ek Egill at þú myndir
koma hér til þess at bjóða mér bǿtr fyrir brǿðr mína tvá ok fyrir rán þat er þú rǽntir hér á Aski Fyrr
er þú komt hér mynda ek ok þá veita svǫr nǫkkur þínu máli ef þú flyttir þat erendi en hér
kann ek ǫngu at svara Enn mun ek bjóða þér sagði Egill sem ek bauð Berg-Ǫnundi at Gulaþingslǫg
skifti með okkr En ek tel brǿðr þína hafa fallit óhelga fyrir þat er þeir rǽntu mik
lǫgum ok landsrétti ok tók fé mín at herfangi Þá fór Egill í brott með menn sína Fór hann þá norðr í
Sogn til Þórðar ok dvaldisk þar til þingsins En er menn kómu til þingsins var Atli hinn skammi þar kominn
Tóku menn þá at reifa mál sín ok flyttu fram mǫnnum þeim er dǿma skyldu Flutti Egill
fram fjárheimtu sína en Atli bauð fram lǫg ok tylftaeið at hann hefði fé þat at varðveita
er Egill ǽtti En er Atli gekk at dómi með sitt eiðalið þá gekk Egill í mót honum með sína
sveit ok segir at eigi vill hann eiða Atla fyrir fé sitt Vil ek bjóða þér ǫnnur lǫg þau at vit
gangim á hólm hér á þinginu ok hafi sá fé þetta allt er sigr fǽr Þvíat váru lǫg er Egill mǽlti ok forn
siðvenja Atli mǽlti at hann mundi eigi synja honum hólmgǫngu þvíat þú Egill mǽlir þat er ek ǽtta
at mǽla fyrir þat er þú hefir drepit brǿðr mína tvá ok er mér þá miklu minna ávant at ek
halda réttu máli við þik ef ek skal heldr láta lausar eignir mínar en berjask við þik er þú býðr
mér Síðan tóku þeir hǫndum saman ok festu þat mál sem lǫg stóðu til Eftir þat búask þeir til
bardaga þar á þinginu Gekk Egill fram ok hafði hjálm á hǫfði ok skjǫld fyrir sér kesju í hendi
En sverðit Dragvandil hafði hann með sér ok festi við hǿgri hǫnd sér Atli hafði ok slíkan búnað Hann var holmgǫngumaðr
sterkr ok fjǫlkunnigr Þar var ok leiddr fram graðungr mikill ok kallat blótnaut
Þat skyldi sá þeira hǫggva er sigr hefði En er þeir váru búnir hljópusk þeir at ok skútu fyrst spjótum
ok festi hvárgi í annars skildi ok nam hvárrtveggja í jǫrðu staðar Greip þá hverr til síns sverðs
Gangask þá at ok hopar Atli hvergi fyrir Egil Var þat brátt at skildirnir klofnuðu En er Atla skjǫldr
var klofinn þá kastar hann skjald brottnu ok hjó með sverðinu sem ákafast Egill hjó ok með
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close