menota

Menota data services

Menu Search
47v WolfAug 9 10 4° (Wolf)  - 48r 48v 

On this page...

þv mvnt m fara huat sem ek mæli um þa reið Egill ibrutt undz hann kom a lamba staði Var honum þar val fagnat
skylldi hann þar vera þriar nætr til kynís þat sama kvelld er Egill hafði farít let skalla Grimr sodla
hest sinn ok reið einn saman er aðrír menn foru at sofa hann reiddi i kniam ꜱer kistu val mikla hann
hafði ok kistv a handar krika Hafa menn þat fyrir satt at hann hafi latít fara niðr i krums kelldu
ok latit fara a ofan steín míkinn hann kom heim vm miðnǽttí ok gekk þa til rums síns ok lagðiz niðr
j klæðum sinum En um morguninn er menn risu upp þa sat hann fram a stokk ok uar þa dauðr okva stirðr at
menn fengv huergi kneiktan hann ok var þo allz v freistat var þa skotit vndir mann hesti ok
reið hann sem akafaz unðz hann kom a lamba staði hann hitti Egil ok sagði honum þeꜱi tiðindi okva
hvar þa var komit þa tok Egill uapn sín ok klæði ok reið heim ok þegar hann kom heim gekk hann inn í andyri ok i
skot eitt er var i ellda husit En dy uoru fram or elldahusinu dy uoru ok a skotínu fram i setit Egill
gekk fram i setít ok tok i herðar foður sinn ok keyrði hann a bak aptr ok lagði hann niðr í setit ok ueitti
honum um bunat þa bað Egill fa ꜱer graf tol ok let briota uegginn at hofði honum En er þat uar
gort tok Egill undir hof Grims en aðrir menn undír fǽtr ok baru hann ut um uegginn er brotínn
uar okva ofan a nausta nes uar þar tialldat ok vakat yfir um nottina En um morguninn uar hann lagðr
i skif ok fluttr i digra nes þa let Egill gera þar haug a nesínu uar þar lagðr i skallagrimr hestr
hans ok uapn ok smíðar tol Ekki var getit at lausa fe væri lagt hia honum i haug Egill til tok þar nu
arf allan bæði laund ok lausa fe reð hann þar fyrir bui þar var þordis m agli þorolfs dottir
Eiʀikr konungr reð einn uetr fyrir noregi eptir andlat Haʀallds konungs Aðr hakon Aðalsteins fostri kom
uestan af englanok þat sama sumar for Egill til islandz Hakon for norðr til þranð heims ok uar þar til
konungꜱ tekinn ok voru þeir bræðr baðir konungar um uetriṅ En eptir vm uarít dro huartueggi lid saman varð hakon
myklu fiolmennri ok olli þat þvi at hann setti þau laug i landi at huerr maðr skylldi eignaz odul sín
þar er aðr hafði haralldr konungr huern mann aþiað bæði rika ok urika Sa eiʀikr konungr engan sinn kost
annan en flyia land fyrir hakoní For hann þa ibrutt m gunnhilldi Arínbiorn uar fostbroðír
Eiʀiks konungs ok barn fostri hans ok hann uar kiærstr konungi af lendum monnum For hann or landi m Eiʀiki konungi for
hann uestr um haf til orkneyía ok þar gipti hann ʀagnhilldi dottur sina Arnfinni Jarlí Eptir for hann m
liði sinu suðr m landi ok heriaði þar miok þan for hann suðr til englandz ok heriaði þar Ok þat spurði Aðal
konungr þa safnaði hann liði saman ok for í moti Eiʀiki konungi En er þeir hittuz uoru borin sꜳttml
imilli þeira ok uarð þat at sǽtt at Adalsteinn konungr fekk Eiʀiki til forraða norðímbra land En hann skylldi
uera landuarnar maðr Adalsteins konungs fyrir vikingum Aðalsteinn konungr hafði skotland skatt gillt undir sik Eptir
þat er Olafr konungr uar fallinn En þo uar honum þat folk jafnan o trutt Eiʀikr konungr hafði jafnan atsetv
J íoruík þa borg efldu mest ʀagnars ss Suo er sagt at gunhilldr let seid magna til
þeꜱ at Egill skallagrims son skylldi alldri ro biða a islandi fy en hon sæi hann En þat sumar er þeir
Hakon ok Eiʀikr deilldu þa uar farbann míllí allra landa þa kom þat sumar engi skal til islandz ok sat
Egill at bui sínu um uetrin ok þa gerðiz hann uglaðr ok uar þvi meira um hans ugleði sem meíʀ
leið a uetrinn En er sumar kom þa sagði hann þat monnum sinum at hann ætlaði at bua skíp
sitt til englandz voru x́x́x́. manna a skipi hans Asgerðr uar þa eptir ok uarð ueitti bu þeira Egill ætlar
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close