menota

Menota data services

Menu Search
46v WolfAug 9 10 4° (Wolf)  - 47r 47v 
vapnvm um nætr hann svaraði ek hræðumz ok biorninn ok fair menn þikkia mer nv
fara uapn lavsír þviatt biorninn hefir elltan mik vm alla eyna eðr eru
her menn i suefní Sueinarnir sǫgðu at þeir Bergonundr ok froði mundi munꝺı en drekka
þviatt þeir sitia nǽtr allar Segi þít þeim þa qat Egill at Biorninn er her i skogínum en ek verðr
at skvnda heim þa hvarf hann i skoginn En sveinarnir hlavpa heim til bæiaríns ok til stofu
þar er þeir Bergonundr ok froði ok haddr drukku Sueinarnir sogðv huar biorninn var komiṅ þeir Bergonundr
hliǫpu vpp skiott ok gripu vapn sín er þar hengv yfir þeim ok gengv til skogar þar gengv mórg
skogar nef i morkína ok runnar i stoðum þa sogðv sveinarnir hvar biorninn uar i runninum
En er þeir sottu at runnínum sa þeir at límarnar hrærðvz i eínum stað þottvz þeir þa uita
hvar biorninn var þa mællti Bergonundr at þeir froði ok haddi skylldv renna milli runnzíns ok skogaríns
ok gæta at dyrít næði æigi morkinní En Bergonundr rann fram um rvnninn hann hafði hialm
a hofði skiolld ok spiot ok sverð Egill var þa i runnínum er hann sa huar Bergonundr for hann bra
þa sverði sinu ok festi a handleg ser þviatt hǫnk uar a meðalkaflanvm En tok spiotit i hond
er ok rann þa mot þm Bergunundi En er hann sa þat skaut hann fyrir sik skildínum En aðr þeir mǽttuz
skavt huarr a oðrum Egill laust v skilldínum ok bar hallan ꜱva at keisían reist or
okva niðr í íorðína En kesian Egils flaug igegnum skiolldinn ok gekk míok langt vpp
a fíoðrína ok varð spiotít fast í skilldínum varð þa Bergonundí þungbǽʀ skiolldriṅ Egill
greíp skíott sverð sítt ok lagði til Berg onundar hann bra ok suerði sinu til miðs hann rataði afram v lagit Egill
kipti at ser sverðinu ok reiddi upp hart ok skíott ok hio a halsinnva at af tok hofvðit Egill tok
þa spíotít ór skilldínvm En er þeir haddr ok froði sa fall Bergǫn hvotvðv þeir til Er Egill sneriz
imoti þeim ok skaut kesivnni at froða ok gegnum skiolldinn ok sialfan hannva at ut gekk um
herðarnar fell hann þegar dauðr niðr Tok þa sverðit ok sneriz v hadd skiptuz þeir ok fam hǫggum
v aðr haddr fell þa komv þar sueinarnir Egill mællti v þa Gætít þer nu her Bergonundar husbonda
yðas ok felaga ongum mvn siðr en biarnaríns at æigi komi at dyr ne fvglar
Eptir þat gekk Egill leið sina ok uar æigi kominn langt aðr forunautar hans komv ímot honum þeir spurðu hvat
hann hefði annaz í vpp gongu sinni þa qat Egill visu Satut lyngd til lengí lios heims yfir bavr
þeíma meíʀ uarða ek fe forðum fíarð aulna hlvt skaurðvm aðr bergonund benium
ben svæfðan let ek ueníaz bryniaðr felld ek bæði bloði hadd ok froða
þa mællti Egill nu skulum ver snva aptr til bíæaríns ok fara hermanlíga ver skulum drepa menn alla
vígía en taka fe þat allt er ver megum m komaz Nu fara þeir til biæríns ok hlavpa i hvert
hvs ok drepa karlla alla þa er vigir uoru drapu þeir .xí menn en ræntu fe ollv en spilltv þvi
er þeir mattu æigi m komaz þeir tokv brutt bvfe allt ok raku til strandar ok drapu
ok barv a batinn En letu þat eptir liggia er þeir mattv æigi m komaz foru siðan ibrott leið
sina ok út um eyia sundín Egill uar þa ꜱva reiðr at ekki matti v hann mæla sat hann v
stíorn a batínum En er þeir foru ut a batın̄ fiorðinn til herzlu þa rerí vtan imoti
þeim Raugnvalldr konungs son ok voru saman xííí. a karfanvm þeim hinum steinda
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close