Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
44v WolfAug 9 10 4° (Wolf)  - 45r 45v 
ok marga vistabyrðinga Eiríkr konungr hafði sex langskip ok all vel skipuð
Egill hóf svá mál sitt at hann bað dómendr dǿma sér lǫg Innti hann þá upp sannendi
um tilkall sagði at kona hans Ásgerðr var óðalborin til arfs ok frá landnámsmǫnnum komin
Krafði hann dómendr at dǿma Ásgerði hálfan arf Bjarnar land ok lausa aura En
er hann hǽtti rǿðu sinni tók Berg-Ǫnundr til máls Gunnhildr kona mín er dóttir
Bjarnar ok Álofar þeirar er hann fekk at lǫgum Er Gunnhildr réttr arfi Bjarnar Tók ek því
upp fé allt þat er Bjǫrn átti at ek vissa þá eina dóttur Bjarnar aðra er ekki var arftǿk
var móðir hennar hernumin ok síðan til frillu tekin ok flutt land af landi ok ekki at frǽnda
ráði En þú Egill ǽtlar at fara hér sem annars staðar er þú ferr með ofkappi En þat mun
þér eigi tjóa þvíat Eiríkr konungr hefir því heitit mér at ek skal ná lǫgum um þetta mál Mun ek fǿra
fram sǫnnunarvitni fyrir konungi ok dómǫndum at Þóra móðir Ásgerðar var hernumin
frá Þóri bróður sínum Fór hón af land brott með víkingum ok var útlagi af Nóregi Ok er
þat furða Egill at þú ǽtlar at ónýta ǫll orð konungs þá er hann gerði þik útlaga Nú vil ek
þess beiða dómendr at þeir dǿmi arf til handa Gunnhildi en dǿmið Ásgerði ambátt
þvíat hón var svá getin at faðir hennar ok móðir váru í útlegð er hón var getin Þá tók Arinbjǫrn til máls
Vitni munum vér bera fram ok láta eiða fylgja at þat var skilit í sǽtt þeira Þóris ok Bjarnar
Ok Ásgerðr var til arfs leidd eftir fǫður sinn Svá er yðr þat kunnigt konungr at þér gerðuð Bjǫrn ílendan
ok ǫllu því máli skilat er áðr hafði í milli staðit Konungr svaraði ekki skjótt hans máli
Þá kvað Egill vísu Þýborna kveðr þorna þornreið átti horna sýslir hann of sína síngrið
Ǫnundr mína naðhristis á ek nistis norn til arfs of borna þigg þú Eiða
konr eiða eiðsótt er þat greiða Arinbjǫrn lét þá bera fram vitni tolf manna ok hǫfðu þeir allir
hjá verit sǽtt þeira Þóris ok Bjarnar ok buðu dómendum ok konungi at láta sverja þar eftir
Dómendr vilja taka eiða en konungr kvezk þar hvárki mundu at gera at leggja þar á lof né
bann Gunnhildr mǽlti Hví lǽtr þú Egil þarna vefja mál ǫll fyrir þér enda myndir þú eigi í móti
mǽla ef hann kallaði til konungdómsins í hendr þér En þótt u vilir enga órskurði veita
til liðs Berg-Ǫnundi þá skal ek þat eigi gera Hvar er Álfr bróðir minn Far ðu til með sveit
þína ok hleyp upp dóminum Þá fór hann ok menn hans ok skáru upp vébǫndin ok brutu upp
vébǫndin ok hleyptu upp dóminum Þá gerðisk þyss mikill en menn váru allir vápnlausir
Þá mǽlti Egill Hvárt má Berg-Ǫnundr heyra mál mitt Heyri ek sagði hann Þá vil ek bjóða
þér hólmgǫngu ok þat með at vér berimsk hér á þinginu Hafi sá okkarr fé þetta land ok lausa
aura er sigr fǽr en þú verðr hvers manns níðingr ef þú þorir eigi Þá svaraði Eiríkr konungr
Ef þú ert allfúss til at berjask þá munum vér þat veita þér Egill mǽlti Ekki vil ek við þik berjask
eðr við ofrefli liðs en fyrir jafnmiklum mǫnnum þá mun ek eigi flýja ef mér skal þess unna
Mun ek ok at því gera ǫngan mannamun Þá mǽlti Arinbjǫrn Fǫrum vér á brutt ekki
munum um hér iðna at sinni þat at okkr vinni Síðan sneri hann á braut ok allt lið hans með
honum Þá sneri Egill aftr ok sagði svá Því skírskota ek undir þik Arinbjǫrn ok þik Þórðr ok
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close