þa var þat sagt fra hveriv sinni at skíp kom af hafi fra noregi ok þat tiðenda at Biorn havlldr
var davdr þat fylgdi ok þeiri sogn at fe þat allt er Biorn hafði att at þat hafði Bergonvndr
allt vpp tekit ok hafði heim til sin allt lavsa fe En jarðir hafði hann bygðar ok skilðar ser
allar landz nytiar ok kastar sinni eign a En er Egill heyrði þetta sagt þa spurði Egill hvart Bergonundr
mundi sínum raðvm fram fara eðr hefði hann travst ꜱer meiri manna honum var sagt at Bergonvndr
var kominn i vínattu við Egill konung ok gunnhilldi Egill let þa vera kyrt vm havstít En er vara tok
let hann bva skip sitt til hafs ok fekk menn til Asgerðr kona hans for með honum En þordis þorolfs dottir
var eptir Egill sigldi a haf ok er ekki getit um ferðir hans fyʀ en hann kom til norex Hellt hann þegar 
fvnd Aʀinbiorn ok tok val við honum ok bavð honum þar at uera ok þat þa Egill ok foru þav þangat Egill kom bratt
a ræður við Aʀinbiorn um fiarræiðvr þǽr er hann þottiz eiga þar i landi Aʀinbiorn svaraði þat mal þikki mer æigi
vænt Bergonundr er maðr harðfengr ok vdæll ranglatr ok fegiarn En hann hefir nu halld mikit af
Eiʀiki konungi ok Gunhilldi en hann er ouín þinn hinn mestí Egill svaraði konungr mun oss lata na rettv af ꜱer
ok lavgum með líð veitzlv þínní Raða þeir nv þat af at Egill skipar skip ok foru þeir saman .xx. menn suðr
a haurða land ok koma fram a aski ganga þar til hvss ok hitta Bergonund heima þa hefr Egill vpp mal
sítt ok krefr fiar skiptiss af arfi Biarnar ꜱagði at dættr Biarnar voru iafn komnar til arfs eptir
hann at laugum þott asgerðr se betz borín en gunhilldr kona þín Bergonundr svaraði þegar geystr með ollv
ok kveðr hann vera fvrðv diarfan mann þer sem hann er vtlagi ordínn af konungi er þu feʀ hígat i land ok ætlar
higat til agangs við menn hans ok vini Matt u þat ætla at ek hefir latít vellta slika ꜱva sem þu ert ok af
minni sokum en mer þikkia þıkkıa þessar uera ef þv tekr til arfs fyrir hendr konu þínnar þviatt þat er
kvnnikt alþvðv manna at hon er þyborin at moðerní Bergonundr var maloði um hrið Egill sa at hann fekk
ekki af Bergonundi þa stefndí hann honum til gulaþings laga Bergonundr kvaz koma mundu til gvla þings laga ok þat
munda ek vilia at æigi kemir þu heill þaðan Egill sagði at hann mundi koma en verðr vm sem ma hversv
malum uarum verði skipat fara þeir Egill ibrott ok heim ok segir arinbirni fra ferðum sínum ok svorum
Bergonundar Aʀinbiorn verðr reiðr míok er hann kallaði foðvr systvr sína ambatt feʀ Aʀinbiorn a fvnd
konungs ok berr vpp mal þetta konungr tok þvi ekki flíott sagði at Aʀinbiorn hefði lengi dregit fram hlut
Egils hefir hann þin at notít er hann hefir verit her i landi En nu mun ek mer æigi lika lata at tu latir hann
ganga her ahendr vnum mínum Aʀinbiorn sagði at hann mvn lata Egil na laugum konungr var helldr styggr
i ræðvnni Feʀ Aʀinbiorn aptr ok sagði agli at ouǽnt horfði Nv liðr af vetriṅ ok kemr þar er menn
skulo sækia til þingsíns Aʀinbiorn er miok fiolmennr ok ferr Egill með honum Eiʀikr konungr kom þar ok ok hafði allmikit
fiolmenni Bergonundr var i sveit með konungi En er dæma skylldi vm mal manna þa gengv hvarir tvegiu
þar til sem domrinn var settr ok flvttv hvarirtveggív fram sanendi sín Bergonundr var allstor orðr
þar er domrinn var settr var slettr vǫllr ok settar niðr hesli stengr i vollinn i hring ok logð
vm vtan vtan uebǫnd en i hringínum satu domendr xíí. er dæma skylldv vm mal manna
Aʀinbiorn reð fyrir hverir domendr voru or fyrða fylki satu nu domendr xíí. or fyrða fylki ok xí
or sogna fylki ok xíí. or havrða fylkí þorðr Bryniolfs son reð hverir or sogni
voru ok voru þeir eíns liðs ok Aʀinbiorn þorðr hafði haft þangat langskíp alskipat ok margar sma skutur