at sia konungr sagði at hann mundi vera at  forraði at fara ibrott heðan en þat þætti mer bez at tu tækir
her staðfestv ok slika kosti sem þu vill sealfr Egill þakkaði konungi val þann soma En mælti Ek mun
fara nv fyrst minna nauðzynía En þo mun ek vitia þeꜱa heita yðaʀa Konungr bað hann ꜱva gera
at raðaz til hans deila þeira bergꜹnundar ok egils Nv byz Egill með lið sitt til braut farar
en mart var eptir með konungi Egill þa langskip af konungi ok hafði þar a c. manna Eptir þat var hann bvínn til ferðar
þa hellt hann til hafs ok skilduz þeir konungr með vinattv mikilli forst þeim ual ok komv af hafi
við noreg ok for inn i fiorðv ok spurðu at þorir hersir var andaðr En Arínbíorn hafði við arfi tekit
ok var hann lendr maðr konungs Egill for til Arinbiarnar ok bauð hann honum með ꜱer at uera ok þat þiggr hann ok let setia vpp
skip sitt ok vista menn sina Egill var með Aʀinbirni vm vetriṅ með xiita mann Bergavnvndr son þorgeiʀs
hafði fengit gunnhilldar dottur Biarnar haulldz hon kom til buss með honum a aski En asgerðr systir hennar var með arinbirni
er att hafði þorolfr þau attu dottur er þordís het Egill sagði asgerði fall þorolfs ok byðr henni sína um sea hon varð
hrygg miok við þa sogu En er a leið havstit gerðiz Egill okꜳtr ok þaugull ok drakk eptir hrið
en sat opt ok drap niðr hofðinu i felld sinn þa gekk Aʀinbiorn til hans ok spurði hvi hann uæri ꜱva oktr
En þott u hafir mist broður þíns þa er þer karlmanligt at bera sik val ok skal maðr eptir mann lífa
eðr huat kveðr þv lat mik heyra Egill sagði at hann hafði þetta fyrir skemstv kveðit Okunni
vensk ǽnís vngr þorð eg ual forðvm hauka klifs at heyra hlín þverg gnipvr minar
uerð ek i felld at folldar falldr kemr i hug skalld bergoneris brvna bratt vnd stꜳli
hvꜳtat Aʀinbiorn spurði hver sv kona var er hann orti mansavng vm her hefir þv folgit nafn hennar i visvnni
þa quat Egill visu Sefskulldar fel ek sealldan sorg at uita borgar i viðerni naʀfa avrm vils
drafnar þviatt geír rota gerðar gny þings bragar fingrvm hroks þviatt ræsis verkvm reifhendr
munu þreifa Her mvn vera sem mælt er at segianda er hvar sinvm vin ok mun ek segia þat at þar
er asgerðr frænkona þín ok vil ek þar til hafa fullting þítt at ek næða þeim kosti Aʀinbiorn
sagði at honum þotti þat valfvndit ok skal ek þer til leggia min orð Nu bar Egill þetta upp fyrir asgerði En hon
skaut til fauður síns Eptir þat foru þeir a fund Biarnar en hann tok þvi val En Aʀinbiorn fysti þeꜱa miok
lauk ꜱva at Egill fastnaði Asgerði ok skylldi boð þetta vera með Aʀinbirni En er at þeiri stefnv kom þa var
ueitzla goð er egill kvangaðiz var hann þa allkátr Egill bio vm varit skip sitt til islandz Reð Aʀinbiorn
honum þat at stadfestaz æigi i noregi meðan ʀiki gunhildar er ꜱva mikit þviatt henni er allþvngt til þin ok hefir
þat all miok um spillt er þít eyvindr fvndvz fyrir Jotlandz siðv En er Egill var buinn ok byri gaf þa
siglir hann i haf ok greiddiz ual ferð hans ok kemr til islandz ok helldr til borgar til foður síns hann hafði þa
vtan verit xíí. uetr var Egill at borg vm uetriṅ með x́x́. mann varð skalla grimr þa allfeginn agli En þo
þotti honum allmikit at vm þorolfr son sinn Egill hafði fe mikit en ekki er þeꜱ getit at hann skipti þvi
silfri við foðvr sinn er Aðalsteinn konungr sendi honum þann uetr fekk þorfinnr strangi sævnnar dottur
skallagrims Eptir vm varit fekk hann þeim bustað at lang ꜳ Dottir þeira þorfinnz ok sæunnar
var þordís er atti Argeíʀ i holmi þeira son uar Biorn hidæla kappi Egill var þa ut her nokkura
vetr hann tok þa til bvss með foðvr sinum Grimr var þa hrvmmr af elli tok þa heraðit at byggiaz
hromundr broðir grims híns haleyska byi þver r ꝺal ok felagar hans hann var faðir gvnlavgs
faðir þuridar dvllv moðir illvga svarta Egill hafði þa verit nokkura vetr at borg með fedr sinum