Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
40v WolfAug 9 10 4° (Wolf)  - 41r 41v 
svá búnu Fóru þeir Þórolfr ok Þorfinnr heim Eiríkr konungr sendi Eyvind suðr til Danmarkar til Haralds konungs Gormssonar
Ok tók konungr vel við honum ok setti hann til landvarnar fyrir víkingum þvíat hann var hermaðr mikill En um várit
búask þeir brǿðr Þórolfr ok Egill í hernað En er þeir váru búnir halda þeir austr í land skipum sínum En er þeir kómu
í Víkina þá sigla þeir til Jótlands ok herja þar ok þaðan til Fríslands ok dvǫldu ok þar mjǫk lengi um
sumarit ok unnu mǫrg afreksverk í orrustum Ok er á leið sumarit halda þeir aftr til Danmerkr
En er þeir halda til landamǿris þar er mǿtisk Danmǫrk ok Frísland Þat var eitt kveld er menn
bjoggusk til svefns á skipum at menn tveir koma á skip til Egils ok sǫgðu at þeir áttu við hann skylt
erendi Var þeim fylgt til hans Þeir sǫgðu at Áki hefði sent þá þess ǫrendis at Eyvindr
skreyja liggr til Jótlands siðu Ok ǽtlar at sǽta yðr er þér farið sunnan ok hefir hann lið mikit
sunnan dregit svá at þér hafið ekki liðs við honum ef þér hittizk Ok hann sjálfr ferr á njósn
með tveim skipum ok er skammt frá yðr Þeir Egill reka þegar af sér tjǫldin Hann bað þá fara hljóðliga
ok þeir gera svá ok koma í dagan at Eyvindi þar er þeir lágu um akkeri Lǫgðu þeir þegar at þeim ok létu
ganga grjót ok vápn Fell þar mart manna af Eyvindi En hann sjálfr hljóp fyrir borð ok komsk með sundi til
lands ok svá lið þat er undan komsk En þeir Egill tóku skipin ok vápn þeira ǫll Fóru þeir eftir um daginn
til liðs síns Þórolfr spurði Egil hvert hann hefði farit eðr hvar hann hefði fengit skipin Þá kvað Egill vísu
Gerðum heldsti harða hríð fyrir Jótlands siðu barðisk vel sá er varðisk víkingr danaríki áðr
á sund fyrir sandi snarfengr með lið drengja austr af unnar hesti Eyvindr of hljóp
skreyja Þat ǽtla ek þá sagði Þórolfr at vér megum eigi haustlangt halda til Nóregs Egill kvað þat
vel vera þótt þeir leitaði heldr í annan stað Frá Aðalráði hinum ríka ok hans ǽtt
Álfráðr hinn ríki var fyrstr einvaldskonungr yfir Englandi sinna kynsmanna Þat var um
daga Haraldr konungs hins hárfagra Eftir þat var konungr sonr hans er Játvarðr hét á Englandi
Hann var faðir Aðalsteins konungs hins sigrsǽla fóstri Hákonar hins góða Í þann tíð tók konungdóm
Aðalsteinn konungr á Englandi eftir fǫður sinn En er hann var orðinn konungr þá hófusk upp til ófriðar þeir
hǫfðingjar er áðr hǫfðu látit ríki sín fyrir þeim langfeðgum þótti nú sem hǿgt mundi til
at kalla er ungr konungr réð fyrir ríkinu Váru þat at bǽði írar ok skotar ok bretar En konungr safnaði
liði at sér ok gaf þeim mǫnnum mála er þat vildu hafa til féfanga sér útlendskum sem
innlendskum Þeir brǿðr heldu suðr til Sakslands ok Flǽmingjalands ok spurðu þeir þat at Englakonungr
þurfti liðs við ok þar vǽri ván féfanga Margir gáfu þeim þat ráð at þeir skyldu þangat halda liði
sínu Fóru þeir um haustit unds þeir fundu konung ok tók hann vel við þeim Ok lézk sjá at liðsemd myndi
góð í þeim Býðr konungr þeim til sín at taka þar mála ok gerask landvarnarmenn hans England var þá kristit
vel ok hafði lengi verit þá er þetta var tíðenda Aðalsteinn konungr var vel kristinn ok var hann kallaðr
Aðalsteinn hinn trúfasti Konungr bað þá Þórolf ok Egil at þeir skyldu prímsignask Var þat þá siðr manna
mikill þeira er á mála gengu með kristnum mǫnnum þvíat þeir menn er prímsigndir váru ok allir menn þeira áttu
allt samneyti við kristna menn ok heiðna Þórolfr ok Egill gerðu eftir bǿn konungs ok létu prímsignask ok
allir menn þeira Ok hǫfðu þeir 300 manna þeira er mála tóku af konungi ok gerðusk landvarnarmenn konungs
Þeir váru siðprúðir um flest Frá Óláfi rauða Óláfr rauði hét konungr í Skotlandi
Hann var skotskr at fǫðurǽtt en danskr at móðurǽtt Hann var kominn af ǽtt Ragnars
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close