Images
reist a rvnar ok reið a bloðínv ok qat visu Ristum rvn a horní rioðum spioll i dreyra þau vel
ek orð til eyrna oðs dyrs viðar rota drekkvm veíg sem vílivm vel skyíanðra glyiaðra þyia
vita hve oss of eirí aul þat er barðr of sígndi þa tok at liða at Avlfí stoð Egill þa
vpp ok leiddi avlfí til dyranna ok hellt a sverði sínv En er þeir komv at dyrvnum þa kom Barðr
ok hafði horn ok bað aulfí drekka valfararminni Egill tok við ok drakk ok kuat visv þeꜱa
Avlvar mik þviatt aulfi aul gerrir nu faulvan at geira lǽt ek yra yríngs af mer skyra
Avllungis kant v illa odd skys fyrir þer nysa rigna getr at regní regn bioðr hrs þegna
Egill kastaði horninv ok greip sverðit ok bra Myrkt var í stofvnní hann lagði sverðínu a barði
miðium ok gegnvm hann fell hann dauðr niðr En bloð fiell or vnðinní þa fell avlfir ok gaus or honum sp
yía
mikill Egill hliop vt or stofvnni en nıða mık mẏrkr niða myrkr mikit var a ok tok Egill rás af bænvm En
i stofvnni sa menn at þeir voru fallnir Barðr ok avlfir kom þa konungr til ok let bera til líos sa menn þa hvat titt
var at avlfir la sem vitlavss en Barðr vegínn ok flavt i bloði golf allt þa spurði konungr huar sa var
hinn mikli maðr er þar hafði drukkit mest um kuelldít Menn sogðu at hann gekk út leiti at honum
sagði konungr ok latit hann koma til mín Eptir þat var leitat Egil ok fannz hann æigi En er þeir komv i ellda
hvsit
þa lagv þar forunavtar aulfis Konungs menn spvrðv ef Egill hefði þar komit þeir sogðv at hann hæfði komit
ok tekit vapn sín ok t eptir þat þeir sogðu konungi hann bað þa fara sem skíotaz ok taka skip aull þav er í
eyivnni voru En i morgín er liost er skulum ver ransaka eyna ok drepa hann þa Egill for vm nottína þar til er
skipín voru En hvar sem hann kom til strandar þa voru þar allt menn fyrir hann for nott þa alla ok fe hvergi skíp
En er lysa tok var hann staddr a nesi nokkvrv hann sa þa ey éina ok var þar svnd imilli ok fvrðvliga
langt þa var þat rað hans at hann tok hialminn sverð ok spíot ok bravt þat af skapti ok skaut þvi a sæ
vt en vapnín vafði hann i yfir hǫfn sinni ok gerði ꜱer af bagga ok batt a bak ꜱer þa hliop hann a svnd
ok letti eí fy en hann kom til eyiarinnar hon het sauð ey ok er ekki mikil ey ok hrisott þar var i fenaðr
naut ok sauðir ok la þat til atleyíar En er hann kom til eyiarinnar vatt hann klæði sín þa var dagr lioss
ok sol farín Eiʀikr konungr let ransaka eyna þegar liost uar þat var seínt er eyín var mikil ok fannz Egil æigi
var þa farit a skipí til anaʀra eyia at leita hans þat var vm kvelldit at xí. menn reyrv til sauðeyiar
at leita Egils En þo voru margar eyiar nǽr hann sa skipit er for til eyiarínnar En ix gengu uṗ ok skiptv
leitum Egill hafði lagðz niðr i hrisit ok falst aðr skipit kom at landi Nu gengv þrir i hueria leit
en þrir gíættu skips ok er leiti bar imilli þeira ok skipsíns þa stoð Egill vpp ok gekk til skipsíns En
þeir er skipsins gíættv fundv æigi fy en Egill var kominn at þeim hann hio einn þegar bana hǫgg
En annaʀ tok a rꜳs ok var þar at hlavpa a brekkv nokkura Egill hio eptir honum ok af fotinn En einn
hliop a skipit ok stakk við forkinum en Egill dro at ꜱer festína ok hliop ut a skipít ok skiptvz þeir æigi
lengi hoggvm við aðr Egill drap hann ok rak hann vt byrðiss þa tok hann rar ok reri abrutt skipínu
For hann þa nott alla ok daginn eptir ok letti æigi fy en hann kom til þoris hersis En aulfi ok forunauta
hans let konungr fara i friði af þeꜱum savkum En þeir menn er i sauð ey voru þa voru þeir þar margar nætr ok drapv
fe til matar ꜱer tokv elld ok gerðv seyði þeir gerðv ꜱva mikit at sia matti heim lavgðv þa i elld
ok gerðv víta En er þat var seð þa var roít til þeira konungr var ibrott for hann þa til annaʀar veitzlv
þeir avlfir komu fy heim En Egill ok voru þeir þorir ok Þorolfr nykomnir heim fra brvllaupinv Avlfir sagði