Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
31r WolfAug 9 10 4° (Wolf)  - 31v 32r 

On this page...

halldít ok skvtu enndanvm a hyrníngina ꜱva hart at afgongv fyrir vtan ok hliopv isvnðr ueggirnirva at þar var
vtgangr mikill Gekk þorolfr þar fyrst vt En þa þorgisl giallandi ok hverr at oðrvm ok toktz þar hinn harðazti bar dagi
ok var þat vm hrið at þar matti ekki sea imillí þa er stofan giætti abak þeim ok tyndi konungr þar morgv
liði En er stofan var brvnnín þa hliop elldr at þeim fell þa ok mart lið þeira þa hliop þorolfr fram ok hío
til beggia handa ok þyrpti litt at binnda sr þeira manna er fyrir honum vrðv hann sotti þar at er merkit var J þeiri
svipan fell þorgisl giallandi En er þorolfr sa þat þa lagði hann merkíss manninn igegnvm ok mællti Nv gekk
ek þrimr fetum til skamt þa stoðv a honum bæði sverð ok spíot En konungr ueitti honum bana sár
ok hann fell a fætr konungi þa bað konungr hætta at drepa menn okva uar gort þa let konungr fara menn sína
ofan til skipa ok mællti v Avlfi Takít nu þorolf frænda yðarn ok ueitið honum sæmilígan
vmbvnat ok ekki skal her rǽna þviatt þetta er allt mín eígn For nv konungr ofan til skípa
En er menn bvndv sr sín þa leit konungr a sr manna hann sa hvar maðr batt svoðv sr eitt mikit
þa mællti konungr Ekki hefir þorolfr þat veítt allt bitv honum annan ueg vapn ok er skaði mikill um
slikan mann En at morni let konungr draga vpp segl sin ok sigldi svðr m landi sem af tok
Þa fvndv þeir kavpskíp mǫrg ok hafði lið þat ætlat til motz v þorolf þviatt niosnir hans hofðv
verit allt svðr vm eyíar ok vissv at þeir Sigtrygr ok hallvarðr voru sunnan komnir m liði miklv
ok villdv drepa þorolfr ok hofðv þeir haft anduiðri ok lagv i ymsvm hofnum Bratt spvrðiz
þetta viða vm land ok komu þeꜱi tiðendi til eyrna þeim Sigtryggr ok hallvarðr ok snerv þeir þa aptr til
konungs ok þotti þeira ferð hin haðvligsta þeir bræðr Avlfir ok eyuindr voru a sandnesi ok bioggíu vm
lik þorolfs eptir sið veniv ok letv græða sr manna þeir skipvðv til bvss m ꜱigriði ok uar þar eptir allr
fiar hlvtr En mest hafði brvnnit hvsbvnaðr ok bordbvnaðr ok klæðnaðr Forv nv norðan
ok a konungs fvnd ok voru m honum um hrið þeir uoru hlioðir ok mæltu fatt v menn þat var einn dag er þeir gengv
fyrir konung ok mæltu þeꜱ vilium v biðia þik konungr at tu leyfðir okkr heimferð til bva okkaʀa þviatt her
eru þav tiðendi orðin at v bervm æigi skaplyndi til at eta ok drekka m þeim er vapn
barv a þorolf frænda varn konungr mællti til hans helldr stvtt æigi mvn ek þat leyfa ykkr her
skulo þit vera m mer þeir gengu þa abrott ok til rums síns Annan dag eftir sat konungr
i malstofv ok let kalla þangat þa bræðr Avlvir ok eyvind konungr mællti Nv skulo þit víta
ykkarn hlut þit hafit verit m mer vm hrið ok val siðaðir hefir mer til ykkar ual likat
Nv vil ek eyvindr at tu farir norðr a sandnes vil ek gipta þer Sigriði konv þa er þorolfr hefir
att ok vil ek gefa þer fe þat allt er þar er ok skalt v þar m hafa vínattv mína ef þv kant til
at giæta En Aulfir skal mer fylgía sakir atgerfi sinnar vil ek hann æigi lavsan lata þeir
þokkvðv konungi þann soma er hann gerði til þeira Biotz eyvindr til ferðar ok fekk ꜱer gott foruneyti ok agiætt
skip konungr fekk honum jartegnir til þeꜱa mals ok er hann kæmr norðr tekr ꜱigrið val
v honum berr hann vpp erendi þetta v hana bon orð ok iarðtegnir at hann skal na þeꜱu raði En hon
sa þann sinn kost at lata konung raða þar komit sem þa var for þat fram at hann fekk sigriðar
Tok hann þa v bvi a sandnesi ok fe þvi ollv er þorolfr hafði att Eyvindr var gofvgr maðr Bavrn
þeira voru þav finnr skialgi faðir eyvindar skallda spilliss ok geir lavg er atti sighvatr
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close