ok hellt fyrir vtan eyíar en stvndum var sæ i míðíum hliðvm letu ꜱva ganga svðr fyrir landit undz þeir komv i vik
austr þa spurðu þeir at Haralldr konungr var i vikínní Ekki vissv menn til ferða þorolfs honum byriaði val ok helldv svðr til dan
markar
þaðan i avstr veg ok heriaði þar um sumarit ok varð ekki gott til fiar vm havstit hellt hann austan ok kom
i þann tíma er menn leystv af skaneyrí þar var fioldi manna af noregí þorolfr let lið þat allt sigla fyrir ok gerði ekki
vart við sík hann sigldi til mostrar sundz ok sa þar fyrir knav einn mikinn er komiṅ var af skaneyri
Þorir þruma het maðr hann styrði knerrínvm hann var armaðr harallds konungꜱ ok reð fyrir bvi i þrvmu þat uar mikit bu ok þar sat
konungr jafnan þa er hann var i uikinní ok þurfti til þeꜱ buss mikil hafði þorir fyrir þa savk farít at
hann hafði þa keypt mallt ok hueití vín ok hunang ok varít til allmiklv fe þeir þorolfr lavgðv at skí
pínv
ok buðv þeim kost a at ueriaz En þorir hafði æigi lið til uarnar ok gafuz vpp tok þorolfr fe þat allt
en setti þa vpp a eyna Ekki var þetta mínna fe en þat er hann hafði latit fyrir konungi hellt þorolfr skipum
þeꜱum baðum norðr með landi En er þeir komu fyrir elfína lagv þeir þar ok biðv nǽtr ok er myrkt var orðít
rerv þeir vpp i ana ok laugðv til bíar þeꜱ er þeir bræðr attu ꜱigtryggr ok halluarðr ok komu þar fyrir dag ok
slogu mann hring vm bæinn ok æptu herop þeir uoknuðv er ínni voru ok hliopv til uapna fleygði þorgeiʀ
ꜱer þegar ut or skemmvnní skið garðr var hʀ vm bæinn þorgei hliop at skiðgarðínum ok greip hendi
nni
vpp a stavrínn ok kastaði ꜱer vt af garðinvm þar var næʀ staddr þorgisl giallandi ok hío eptir honum
a hondina ok af við garðinum ferr þorgeíʀ við þat til skogar en þorðr broðir hans var þar drepinn ok x́x́. menn
Eptir þat rǽntv þeir þar ollv en brendv bæinn foru nv vt eptir anni ok ꜱva vt til hafs þeim byriaði val ok sigldv
norðr i vikína þa hittv þar kaup skíp mikit er attv víkveriar ok var hlaðit af malltí þorolfr lagði at þvi
En þeir er fyrir voru þottvz æigi fong hafa til varnar ok gafvz upp ok gengu a land En þeir þorolfr toku þar skip með farmínum
ok foru siðan leið sína ok hofðu nu þrív skíp er þeir sigldv austr um folldina foru siðan skyndiliga
ok híoggv strandhǫgg En er þeir sigldu norðr fyrir liðandis nes þa foru þeir vtleið ok þar sem þeir komv við
land þa rǽna þeir en er þeir komv norðr fyrir fiorðv þa for þorolfr a fvnd fodur sins ok segir honum hvat til tidenda
hafði gorðtz i ferðvm þeira Hann uar þar litla hrið ok leiddi faðir hans hann a gotv ok mællti Eigi hefir þat
fiai farit þvi sem ek gat þa er þv fort til konungꜱ at þat mundi ꜱva vt ganga at hvarki þer ne oss frændvm mundi
at hamíngív verða hefir þv nv þat raðs tekít er ek uaraða þik mest við at þv ettir kappi við
Haralld konung En þott v ꜱer val at þer bvinn um hreysti ok harðfengi þa hefir þv ekki til þeꜱ gǽfvv aṫ hallda til
motz við hann er ongvm manni hefir enn i landinv þott aðr hafi haft mikit ʀiki Er þat mitt hvgboð at sea
verði fundr okkarr hinn siðarsti ok væri þat at skipvðv at þv lifdir lengr En þat mun þo æigi vera
Þa ste þorolfr a skip ok for leið sina vndz hann kom a sand nes let hann þa til bear síns allt herfang þat
er orðit var en setti upp skipín skorti þa æigi tilfong at fæða lið sitt ꜱva stormannliga sem
hann villdi saṫ þorolfr heima þann vetr ok hafði mikit fiolmenni fra skallagrimi ok sonum hans
MAðr het yngvaʀ rikkr ok auðigr hann hafði verit lendr maðr hinna fyʀi konunga En er Haralldr konungr
kom til ʀikis þa var yngvarr heima ok þionadi ekki konungi hann var kvangaðr maðr ok atti dottur eína er
bera het hon var vǽn ok val at ꜱer hennar bað Grimr kuelldvlfson ok uar þat at raði gort þat var þann
sama uetr er þeir þorolfr skildvz þa var Grimr halfþritugr at alldri ok var þa skollottr hann var kallaðr
skallaGrimr hann hafði forrað oll fyrir bvinv En þo var kvelldvlfr þa hress maðr mart hǫfðu þeir manna
