at þv hefðir fengit okkr syslv hinna Sa ver þann kost hellzt at fiʀaz fvnd hans komumz ver þvi skamt
a morkina En þorolfr for vm alla morkina ok hafði einn kavp aull stor ok sma Finnar gulldu
ok honum skatt ætlar hann at geraz konungr yfir finnum ok haloga landi Er þat vndr er þu lætr honum slikt
hlyða munv her sǫnn vítní til uera vm fiar dratt þann er hann hefir þviatt knau sa er vestr for til
englandz var buinn a sandnesi ok kallaðiz þorolfr einn eiga allan farminn var hann hlaðinn af grauǫru
ok oðrv fe er hann tok af morkinni ok for með þorgils giallandi ok hefir siglt vestr til englandz ok ef þer
vilit vita sannendi um þetta mal þa megu þer hallda níosnvm til vm ferðir hans þviatt ek hygg
at ekki skip muní komit hafa iafngagnauðigt a uarum daugum i noreg ok ætla ek þat þo rett
at segia at þer konungr eigit þar a huern penning þetta sonnvðv allir þeira menn er þeir sogðv ok engi kunni
motj mæla þeꜱai fra sǫgn fra bræðrum ij ætt ok skylldir konungi Faðir þeira hafdi tt
Sigtryggr snarfarí ok halluarðr harðfari hetu bræðr íj þeir voru með haʀalldi konungi uikuerskir menn at
kyn við gaut elfí ok bio v ɡaut i hísíng En nv hofðv þeir tekit við fyrir arfi sínum þeir voru .iíij
bræðrnir het þorðr ok þorgeíʀ þeir voru heima ok reðv fyrir bví en þeir Sigtryggr ok halluarðr hofðv sendifarar
konungꜱ vtan landz ok innan landz ok margar þǽr er haski uar i til fiar vpptokv eðr aftoku manna
Ekki voru þeir víngaðir míok við menn en konungr mat þa mikils Vm havstit for konungr at veitzlum vm
haurða land þat var einn dag at konungr let kalla til sin þa bræðr ok er hann fann þa sagði hann þeim at þeir skylldv
fara með sveit manna at leita þorgisl giallanda ok færit mer skipit ok allt þat er a er nema latit menn fara
i friði þeir voru bunir þeꜱiar ferðar ok hofðv ij skip fara nv at leita þorgils giallanda ok spurðv at hann var vestan
komiṅ ok hafði siglt norðr með landi þeir fara nv eptir ok finna hann i fvrv svndi kendv bratt skípít
ok logðv at þeim þeir þorgisl vorvðuz þa ekki ok vissv ꜱer engiss otta vanir fundv þeir æigi fy en
fioldi manna var kominn a skipit með uapnum ok voru allir handteknir ok leiddir allir a land vpp vapnlavsir
ok hofðv ekki annat en i gangs klæði sín En þeir sigtryġr skvtv þegar bryggívm
Snva a ferð svðr með landi vnz þeir hittv konung ok færðv honum skipit ok allt þat er a var
En er farmrinn var af borinn skipinv þa sa konungr at stor mikit var feit ok þat var æigi lygi er þeir
hilldiriðar synir hofðv sagt En þorgisl ok hans felagar fengv ꜱer flvtníng til landz ok lettv æigi fy en
þeir komv til kvelldvlfs ok sogðv honum sínar æigi slettar ok fengu þar goðar viðtokvr kuelldvlfr
kvat þar mundv til draga sem honum hafði hvgr vm sagt at þorolfr mundi æigi giptv til bera
als endis vm vín fengit við konung ok þætti mer ekki mikit at vm fiar lat þetta ef æigi fǽrí þar hit
meira eftir En grvnar mik enn sem fyʀ at þorolfr muní æigi kvnna at ætla ꜱer hof ok segi
þer þorolfi At þat er mitt rað at hann fari af landi braut ma uera at hann komi ꜱer betr ef hann kemr
a fvnd engla konungs Eðr dana konungs Eptir þat fekk hann þorgisli skip ok þat sem hann þvrfti ok foru þeir nv til
þeꜱ er þeir komv a fvnd þorolfs ok sogðv hann til tidenda hafði gorz i forum þeira þorolfr varð val við skaða
sinn ok sagði at hann mundi æigi fe skorta ok er gott at æiga felag við konung þa keypti þorolfr Svo
miol sem hann gat ok mallt til framfluttningar liði Sagði hann menn sína ekki mundv vera
iafn fagrbvna sem hann hafði ætlat þorolfr selldi iarðir sinar ok hellt vpp ollvm kostnadi
sem fyʀ hafði hann þa ok ekki fæa lið en fy var hann heima þann uetr allan
fra þorolfui Þa er vár kom ok isa leysti let þorolfr fram setia langskíp mikit er hann attí
hann let þat bva ok skipa monnum hann hafði c. manna En er byri gaf sigldi hann svðr með landi