sunu þæira til sin i gisling knutr konongr gerðe sændi menn til biarnar stallara með
.xí. Gullringa Oc ætlar hanum slica flærð við Olaf konong sem aðrum Tal
ar
sændi maðrenn hve olikr knutr konongr er orðenn aðrum manum oc byðr hanum
feet hann svarar ængan ofrið gere ek olave kononge Sændimaðrenn svarar Alldrigi
gaf Olafr konongr þer iamikit fee sem knutr konongr byðr þer nu Biorn svarar at
æigi kvezk manu sælia Olaf konong með verði at sinni Oc lætr nu upp fæsta alla
sændimennena knuz konongs Oc hævir sialfr feet Oc færr nu a fund Olafs konongs En
aðr en hann kvæme þa sagðe konongrenn draum sinn Mer synndizc quað hann b
iarndyr
æit mikit oc var glatt oc lec við mik bliðrlega oc fœrðe mer hauuð
sitt En a þæirri stundu kom biorn a fund Olafs konongs Sægir hanum þau tiðændi
at menn hava tækit fe til hauuðz hans Oc quazt drepa er hanum villdu
fe til bioða En feet tok ek oc vill ec þat syna yðr konongrenn svarar þat
er bæðe at feet er fagrt enda munu þæir dyrt kaupa En þu
Biorn sagðe hann Ræyndizc sem von var at ræyndizt mikill ræystimaðr
sem goðr drængr Oc byðr hanum með ser Oc hann tok þat rað Skildizc
Alldrigin við hann meðan er þæir lifðu Oc marger aðrer vinir Olafs konongs fly
ðu
or lande austr til hans i garða þo at biar-
nar se hællst getet er firir maðr
var þæirra EN um sumaret æftir færr hakon iarl
væstr til ænglanz æftir fæstar kono sinni Oc um haustet er hann for
væstan þa tyndizk hann i ænglanz have við allre skip socn sinni Oc
var þat æftir vanom En er knutr konongr fra þetta þa sætti hann Svæin sun sinn oc al
fíuu
moðor hans i rikit At gisla landet undir sic við allra baztra man
na
sunum Var þa sva mikit danskra manna met orð At æins þæira
vitni skilldi rinnda .x. manna vitní norð manna
Ængi skilldi oc na af lande at fara nema konongr læyfði eða hans menn En ef nokcorer fœre þa felle undir konong all
ar
æignir þæirra Oc hværr sa er mann væge skilldi haua firir veget lande
oc lausum æyri Sva oc ef maðr yrði utlagr oc tœmdezt hanum arfr þa ski
lldi
konongr æig-
nazt arf þann En at Jolom skilldi boande hværr fa firir hv
ærrt
næf mæle mallz oc lær af þrevætrum uxa þat var kallat viniar
tode
oc spann smiors Husfræyia hværr rygiar to þat skilldi vera lin orængt sva
mikit at spænt fenge um mesta fingri oc længsta Bœndr skilldu oc gera hus
oll þau er konongr villdi hava a bolstað sinum Siau menn skilldu gera æinn fœran oc
gera firir hværn .v. vætra gamlan Oc þar æiga hamlur æftir Hværr madr
er a haf rere skilldi gera kononge land varðu hvaðan sem hann rere En þat varo .v.
fiskar Skip hvært er for af lande i braut skilldi konongr laða rum ivir þv
ært
skip Maðr hværr er af lande fœre skilldi giællda land aura hv
art
er hann var hærlænnzkr eða utlænzkr Oc hellzt sia lyð skyllda
til þess er Jorsala Sigurðr gaf af þessar nauðir flestar En þo at
sia nauð oc illing læge a landeno þa træystuzc menn æigi i mote mæla firir sakar