Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
12r DG 8 (DG8)  - 12v 13r 

On this page...

atte sun æinn En þa er guðbrandr fra þessor tiðændi at
Olafr konongr var komenn a loar oc nauðgaðe menn til at hværva aftr til kristni
þæirrar er þæir hafðu niðr kastat þat er sact at guðbrandr let skera
upp hær or Oc stæmdi allum dœlom til bœar þess er hunzþorp hæitir
a fund við sic Oc þar komo þæir aller Oc var þar orgrynni liðs a stundu
æinni firir þui at þar liggr vatn æitt nær þat er logr hæitir en
bygðenn mikil allum mægin at vatneno Matte þar bæðe fara a
skipum oc a lande til þingsens Oc nu er þæir komo til þings þa stændr
Guðbrandr upp oc hæfr sva mal sitt þat hævi ec spurt at sa maðr se
komenn a loar er Olafr hæitir oc hann kallazc konongr var Oc vandar miok um þat
at ver hauum horvet aftr til siðar þess er varer forælldrar hava haft
Oc vitum ver a þui dæili at bæðe varo þæir varer frændr gofgare oc þo vitrare
en ver Hann hævir þat spurt At ver dœlir æigum oss ny guð Oc kallar þau omattog
Firir þui at hann hæitazc at briota þau Oc sægir hann sva at hann a
bætra guð oc mæira firir ser oc mattogare Oc er þat furða at hanum skal
lyða at lasta sva miok var guð oc hui hann þorer slict at mæla Oc undarlect
þikci mer er guð var hæmna hanum æigi En þo vænte ec er ver berom
ut þor guð varn or husi sinu virðilego er her stændr a þema bœ Oc oss hævir
iamnan dugat þa man Olafr ræðazc oc sva menn hans Oc sva munu guð hans oc
at ængu værda En er Guðbrandr hafðe þetta mællt oc mart annat þa
œpto aller bœndr i senn oc mællto at Olafr skilldi alldrigin þaðan komazt
a braut ef hann quæme a fund þæira Oc æigi man hann þora at fara længra
suðr æftir dalunum Siðan ætlaðu þæir til .ví. c. manna at fara
norðr a niosn æftir dalunum a bræiðing En firir þui liði var sun Guðbranz
hofðingi En hann var þa atta vætra oc xx. gamall oc marger aðrer virðuleger
boanda sœner i þæirri for Nu foro þæir oc komo til bœar þess
er hof hæitir Oc varo þar nætr .íí. Oc kom þar margt lið til þæirra
þat er flytt hafðe af læssium oc vaga oc þæir er æigi villdu undir krist-ni
ganga Nv er fra þui at sægia er Olafr var komenn
At hann sætr æftir kænnimenn a lom oc a vaga Siðan for kon-ongr ivir oc kom
niðr a sil Oc var þar um nottena oc frago þar at lið var mikit firir þæím
þæir frago oc er a bræiðinn varo Nu hellt konongr fram forenne oc biugguzt siðan
til bardaga mote kononge þat er sact at konongr byzc snemma um morgonenn
af sil Oc hærrklæddezt hann oc allt lið hans Oc fær siðan suðr æftir sil vallum
oc letto æigi fyrr en a bræiðin Oc sa þar mikinn hærr firir
ser buinn til bardaga Siðan fylcti hann liði sinu Oc var sialfr i framanværðri
fylcingenne Oc orte orða a þa oc bauð þæim kristnina en
þæir mællto þu mant koma aðru við i dag en gabba oss Oc hovo
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close