menota

Menota data services

Menu Search
42r DG 4-7 (4-7)  - 42v 43r 

On this page...

þær er þar stoðo firir reckiunni er upp
helldo kertum þeim er brunnu netr oc dagavaro
villdri gulli oc silfre einnar ricrar borgarÐe
sem hon sa vnnasta sinnþa kenndi hon hann oc hon harmsfull
fell i vuit a hannhann toc vel við henni er yuir
hvetuitna unni henni oc kærðe dauða sinn er
hann hafðe fengit af henniSem hon uiðr rettiz
or uviti þa huggaðe hann hana mioc astsamlega
oc mælltiHin friða unnasta min kvað hann miskunn
firir guðs sakirfar sem skiotazt i brott
oc flynu dey eca þessvm miðium degii þessum
castala man þa hefiazc mikill harmrEf þu
verðr her funnin þa munu þeir pina þec oc drepa
þecc með spiotomþui at allir vitu minir menn
at ec em dauðr sacar þinNu em ec ryggr
oc hyggiu fullr sacar þinþa svaraðe honum frv
hansEf ec aftr fer til spusa minsþa man hann
drepa micþa mællti riddarennEi skal sva vera
kvað hann oc fecc hann henni eitt litið fingrgvll oc mællti
alldre skal herra þinum i hug koma glœpr þinn
meðan þu varðveitir fingrgull þettaþat sem þu
heuir misgortHelldr skal hann sœma þic til
goðra lutaþa fecc hann henni sverð sit oc sœrðe
hana við gvð a oc alla helga at hon fai engom
þetta sverð nema hirði syni sinum til þess er
hann verðr vaxinn maðr oc fullkominn at vexti
oc ráustr riddare oc hinn vaskastiJ þenna tima
man hon heiman fara oc sun hennar til veizlu
þar sem er eitt muncliuiÞar munu þau sia
leg eitt oc man þeim þar vera sagt oc endrnyiat
oc sagt hverso faðir sveinsins var drepinn
oc suikinnþar skal hon fa syni sinum sverðet
oc segia honum allan atburð hverso hann var
getinn oc hverr faðer hans erþa munu þér sia
hvat hann at hefzc
SEM hann hafðe mællt til hennar þetta
þa gaf hann henni eitt dyrlect pell bilet
oc mællti at hon skylldi sem skiotazt brot fara
hon for þa brott með fingrgvllino oc sverðeno
er henni var mest til hugg anarSem hon
var ór komin borginni oc varla halfan fiorðung
fra borginniþa heyrðe hon at allar klockur borgarennar
ringdo oc op oc hormuleg lǽti þeirra er i
castalanom varoþa vox harmr hennarfell hon fiorom sinnum
i uvit oc er hon viðr rettizc þa stefnde hon
at hellenom oc gec um sem skiotazc oc kom þui nest
i fostr land sitt oc til bonda sins oc bio marga vetr
með honum oc gat hann alldre þess er hon hafðe misgort
Sva gec þat vannlega or minni hans sem hann hefðe þat
alldre vitaðhvarki auitaðe hann hana ne mismællti
til hennarSem sun þeirra var fœddrþa leto þau
vanndlega fostra hann hverr maðr vnni honum oc tignaðe
hannJonet var hann kallaðri ollu þui konungs riki
var engi honum iamfriðr ne iamningi hansat vǽnleic
ne reystihinn milldazti oc hinn mesti reystimaðr
Nu er hann var fullkominn at afleþa var
hann gor riddareHeyrit nu hverso at bar a þeim
hinum samum tolfmanaðom at hatið hins helga arons
er halldin er oc helgat i karlun borg oc morgum
oðrum borgumþa var herra hennar boðit til
þeirrar hatiðar með vinum sinum sem landz siðvenia
var tilHann biozc heiman rikulega oc hafði
með ser sun sinn oc spusu sina oc bar þa sva at
at hann for þangatEn a vegenum villtuz þau oc
vissu ei hvar þau varo kominEn með þeim var
eitt ungmenni i ferðenni oc gerðizc hann þa leiðtogi þeirra
oc leiddi hann þau um veginn einn sva lengi at þau
komo at einum sva fogrum castalaat i ollum
heiminum var engi annar iamfriðrJmnan castalans
var eit munclivi oc biuggo þar hinir reinlifazto
mennþar herbergdu þau er fylgia skylldo
til hatiðarJ sialfs abota herbyrgi var þeim
rikolega þionat oc þau virðolega tignatUm
morgeninn gengo þau til kirkiu at heyra messo
fyrst oc ferðazc siðan oc kom þa herra
abote til þeirra oc bað mioc at þáu dveldizc þar
oc þiggia fagnað hansHann leiddi þau at sia
þau hin dyrlego huser munkarnir i biuggu
hit friða svefnloft oc hina dyrlego holl
er muncarnir i mataðozoc syndi hann þeim
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close