menota

Menota data services

Menu Search
26v GKS 2365 4° (R)  - 27r 27v 
Oc eɴ iþ þriþia ſiɴ bar hon hanom hornit oc þo amęlis orþ m ef
h drꝩcci eigi af. H męlti eɴ ſem fꝩʀ v ſigmvnd. h ſagði lat̨v gron
ſia/þá. ſonr. Sinfiotli dracc. oc varþ þegar dꜹþr. Sigmvndr bar
h langar leidir ifangi ser oc kom at firþi einom miovom oc
lóngom oc var þar ſcip eitt litiþ oc maþr eiɴ á. h bꜹð ſigmvndi far
of fiorþiɴ. Eɴ er ſigmvndr bar licit vt aſcipit þa var
batriɴ hlaþiɴ. karl. męlti at ſigmvndr ſcꝩldi fara fꝩr iɴ á fiorþiɴ.
karl hratt vt ſcipino oc hvarf þegar. Sigmvndr konvngr
dvalþiz lengi idanmorciriki borghildar. ſiþan er h fecc har. For
ſigmvndr. þa ſvþr ifracc land. til þes ricis er h atti þar. Þa fecc h
hiordiſar dottvr eꝩlíma konvngſ. þeira ſonr var ſigvrþr. Sigmvndr konvngr
fell ioʀoſto fꝩr hvndingſ ſonom Eɴ hiordís giptiz þa alfi. ſꝩni
hialprecſ konvngſ. Ox ſigvrþr þar vp ibarnęſco. Sigmvndr oc allir
ſꝩnir hanſ voro langt vm fram alla m aþra vm afl ocvoxt oc
hvg oc alla at gervi. Sigvrþr var þa allra framarſtr oc h caꝇa
allir m iforn frǫþom vm alla m fra m oc gꜹfgaſtan her konvnga.
Grípir het ſonr eꝩlima broðir hiordiſar. h reþ londom oc var allra maɴa
vitraſtr oc fram vís. Sigvrþr reið eiɴ ſaman oc com til hallar gripis.
Sigvrþr. var ꜹþkendr hitti. m. at mali vti fꝩr hꜹlliɴi
Hverr bꝩɢir ſa nefndiz geitir. þa qvaddi ſigvrþr. h malſ. oc ſpꝩʀ.
her borgir þesar hvat þaɴ þioþ konvng þegnar nefna. gpir heitir
Er horſcr konvngr gvmna ſtióri ſa er faſtri ręþr foldo oc þegnom.
heima ilandi mvn ſa gramr viþ mic ganga at męla malſ er
Þes mvn þarfi maþr okvɴigr vil ec fliotliga fiɴa gripi.
glaðr konvngr geiti ſpꝩria hverr ſa maþr ſe er malſ qveþr gripi. ſigvrþr
Þa gecc ec heiti boriɴ ſigmvndi eɴ hiordís er hilmiſ moþir.
geitir gripi at ſpꝩria ſegia her er maþr vti okvþr komiɴ h er
Gengr or ſcala itarligr at aliti ſa vill fꝩlcir fvnd þiɴ hafa.
ſcatna drottiɴ oc heilſar vel hilmi comnom. þiɢ þv her ſigvrþr
Męla namo veri ſǫmra fꝩʀ eɴ þv geitir tac v grana ſialfom.
oc mart hiala þa er raþſpacir reccar fvndvz. ſegdv mer
ef þv veizt moþvr broþir hve mvn ſigvrþi ſnvna ęfi.
Þv mvnt maþr vera mǫztr vnd ſolo oc hęſtr boriɴ hveriom
iofri. giofvll af gvlli eɴ gleꝩɢr flvgar itr aliti oc iorþom
ſpacr.
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close