Images
Oc qvaddi konvnɢ vnd hialmi þa varþ hilmi hugr auifi fꝩʀ léz
Uar ec hon vɴa af ꜹllom hug ſꝩni ſigmvndar en hon ſeþ hafþi.
hꜹþbroddi iher fꜹſtnoþ eɴ iofvr aɴan eiga vildac þo ſiamc
Namfꝩlcir frǫnda reiþi hefi ec minſ fꜹdvr mvn raþ brotiþ.
a hꜹgna merl of hvg męla hafa qvaz hon helga hꝩlli ſcꝩldo.
hirþ eigi þv hꜹgna reiþi ne illan hvg ęttar þiɴar.
þv ſcalt męr vng at mer lífa ęt̨ attv ingoþa er ec ſiámc.
Helgi ſamnadi þa miclom ſcipa her oc for til freca ſteinſ oc
fengo ihafi ofviðri maɴ hętt. þa qvamo leíptr ꝩfir þa oc
ſtoþo geiſlar iſcipin. þeir ſa iloptino at valkꝩrior ix. riþo
oc kendo þeir ſigrno. þa lęgði ſtormiɴ oc qvomo þeir heilir
til landz. Granmarſ ſꝩnir ſato abiargi noccoro er ſcipin ſigldo at
landi. Gvdmvndr hliop aheſt oc reið anioſn a bergit viþ hꜹfnina.
þa hlóþo volſvngar ſeglom þa qvaþ gvðmvndr. Sva ſem fꝩʀ er
Hveʀ er fꝩlkir ſa er flota ſtꝩrir ritaþ. ihelga qviþo⸫
Sinfiotli. ſigmvndar. ſonr ſvaraþioc oc þat feicna liþ eɴ fǫrir at landi.
ritaþ. Gvdmvndr reið heim. meþ herſꜹgo þa ſꜹmnoþó gránmarſ
ſꝩnir her. Como þar margir konvngar þar var hꜹgni faðir ſigrnar
oc ſꝩnir hanſ bragi oc dagr þar var oʀoſta micil oc fello allir gránmarſ
ſꝩnir oc allir þeira hꜹfþingiar nema dagr hꜹgna ſonr fecc griþ
oc vaɴ eiþa volſvngom. Sigrvn gecc ivaliɴ oc hitti hꜹdbrod
Mvna þer ſigrn fra ſeva fiollom hꜹþbroddr at komiɴ dꜹþa. hon qvaþ
konvngr hniga at armi. liþin er ęvi opt náir hreifi
Þa hitti hon helga oc varþ granſtoþ griþar granmarſ ſona
Erat þer at ꜹllo alvitr allfegin. gefitiþ haɴ qvaþ þo qveþ ec
nocqvi nornir valda. fello imorgon at freca ſteini bragi
Eɴ at ſtꝩrkleifom ſtarcaþr konvngr oc hꜹgni varþ ec bani þeira.
eɴ at hlebiorgom hrollgſ ſꝩnir þaɴ ſa ec gꝩlfa grimvþgaſtan
Liɢia at iordán allra fleſtir er barþiz bolr var abrót hꜽfvþ.
niþiar þinir at nám orþnir. uaɴtattv vígi var þer þat ſcapad at
HvɢaſtÞa v gret ſigrvn. Haɴ. qvaþ þv at rógi ríc meɴe vart.
ſigrn hildr hefir þv os veriþ viɴat ſcioldvngar ſcꜹpom.
Lifna mꝩnda ec nv kioſa er liþnir ero oc knętta ec þer þo í
faðmi felaz