Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Continue

menota

Menota data services

Menu Search
28r AM 233 a fol  - 28v 29r 
dróttinn várr bauð Michaele hǫfuðengli at fylgjaAdam ok ǫllum
helgum hans at leiða þá í paradísum hína fornuHér segir
Ok sem þeir kómu þarfrá Enoch ok þeim Helias
þá runnu .ii. menn á móti þeimÞeir spurðu þá hverir væri
er þit hafið eigi dauðir verit með oss í helvítiheldr eruð
þit nú líkamligir í paradísuÞá svaraðiannarr þeiraok mæltiEnoch heiti
ekok var ek við Guðs orði hingat fœrðrEn sá er með mér er heitir
Heliasok kallaðr ThesbitesHann var hingat ekinn í eldligri kerru
ok enn hǫfum vit eigi á dauða bergtVið skulum hér enn varðveittir vera til
þess er Anti Christus er borinnEn þá skulum vit fara niðr í heiminn ok
berjast við hann með Guðs jartegnum ok táknumEn hann mun í Jórsala
borg láta vega okkren eptir .iii. daga liðnaok hálfum fjórða
verðum vit með skýjum upp numnirOk er þeir Enoch ok Helias
tǫluðu þetta við helga menn Guðsþá kom þar at gangandi einn maðr
allúsælligr hafandi krossmark á herðum sérÞá er Guðs helgir
sá þenna mannspurðu þeir hverr hann væriOss sýnist sem þú munir
illvirki verit hafaeðr hví gegnir at þú berr krossmarkHann svaraði
Segi ek yðr at ek var illvirkiok gerðahvatvetna illtá jǫrðu
en gyðingar krossfestu mik með IesuEn þá við þat er ek sá undr
þau er gerðustat ek þóttumst vita at Iesus mundi vera skapari
allrar skepnuTók ek þá at biðja hann mér miskunnarok mælta ek
sváMiskunna þú mér dróttinn þá er þú kemr í ríki þittEn hann
tók val mínu máli ok mælti þá þegar við mikVísst segi ek þér
í dag skaltu með mér í paradísuÞá gaf hann mér þetta krossmarkok seg honum
at Iesus Christus sá er nú er krossfestr hefir þik hingat sentNú mælta ek
þetta við engilinn paradísar vǫrðinnOk hann lauk þegar upp paradísar hliðok
leiddi mik til hǿgri handar sérok mæltiHér skaltu nú bíða litla stund
þvíat Adam man brátt hér koma með bǫrnum sínum helgum réttlátum
Krists hins krossfesta dróttinsEn er feðr ok spámenn heyrðu
þat er illvirkinn sagðiþá tóku þeir allir senn svá at mælaLofaðr
sér þú allmáttugr Guðer svá miskunnsamr ertat þú veitir úverðum
eilífa sæluum allar aldirFrá Karinus ok Leucius
Karinus ok Levcius synir Simeonis ins réttláta
fundust eigi í grǫfum sínumeptir upprisu Krists ok dauðaheldr
hafa þeir upp risit með honumok margir menn aðrir svá sem ritat er
Et multa corpora sanctorum qui dormierant surrexeruntOk margir
likamir heilagra manna er sofnat hǫfðu risu uppKarinus ok Leucius
váru síðan sénir í borg þeirri er heitir Arimathia at Iosephs ok skrífaðu
þenna þátt niðrstigningar Kristsþvíat þeir vildu ekki við menn mæla
ok létu bókina koma í hendr þeim Nichodemo ok Ioseph
en þeir hafa upp lesit síðanEn mǫrgum mannsǫldrum síðarr
komst at þeirri bók Theodosius keisariHann var son Archadiiok
hafði með sér í Miklagarð ok lét þar upp lesa ok varð mǫnnum þá nýtt
um dásemdir allmáttigs Guðs per omnia benedictus deus
in saecula saeculorumAmen
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close