menota

Menota data services

Menu Search
68r AM 243 b α fol (AM 243 b α fol)  - 68v 69r 
þat skipti er Guð hafði skipað millim þæiʀa
Moyses oc Aarons at hann ꝩilldi þꝩi æigi brigða
at hann felli æigi i sakir ꝩið guðþꝩi at Guð
hafði sꝩa skipað millim þæiʀa at Moyses skylldi
ꝩarðꝩæita ræglu heilagra doma en Aaron
skylldi ꝩardꝩæita þær fornir er kœmi til heilax
alltaris oc þat skallt þu til ꝩiss ꝩita at þat
a ænn i dag at standa mæð retto oc man þer þat
þa ꝩærða liosari firi augum æf ec birti þat firi
þer mæð noccorum orðumEn þæssor er su
skyring at guð skipaðe ser þau tꝩau hus
a iorðu er hann kaus til sins æmbættis oc er annat
kirkia oc sꝩa ma kalla hvartꝩæggia æf ꝩill
firi þꝩi at sꝩa þyðizt nafn kirkiu sæm þinghus
firi sacar samkꝩamo folksins er þar kœmr
En þæssor tꝩau hus ero haller guðs oc hæꝩir
hann skipað tꝩa mænn til at geta þæssaʀra husa
hæꝩir hann sætt i aðra þæssa holl borð sitt oc heitir
þat fœzlu hus firi þꝩi at til þæss kœmr saman
folk guðs at taca þar andliga fœzloEn í
aðra þæssa holl þa hæfir hann sættan hælgan
domstol sinn oc er þar samkꝩama folks til þæss
at hœyra skyring heilagra doma guðs
En til þæssaʀra tꝩæggia husaþa hæꝩir hann sætta
tꝩa gezlo mænn er annaʀr konongr en annr byskup
Nu er konongrenn skipaðr at geta þæss hins hælga
hus er sætt er i þat hælga sæti at geta heilagra
doma guðs skal hann sꝩa dœma licamliga millim
mannaat hann taki a moti heilsu æilifliga
oc allir þeir er geta siðan þœiʀa doma er
dœmðer ꝩærða mæð rettaHanum hæꝩir
Guð oc i hændr sællt ræfsingar sꝩærð þat
er hann skal hogga mæð er þarfæpter þꝩi
sæm fyʀ sagðum ꝩer at Salamon konongr gerðe
þa er hann lagði Ioab under ræfsingar sꝩærð
oc marga aðra þa sæm hann lagðe under retta
ræfsingNu skal konongr hogga hværn utan
aꝩund mæð rettri ræfsingEn hværn er
hann dræpr firi aꝩundar sacar þa er þat mandrap
oc a hann at sꝩara mandraps soc firi guðiÐat
skallt þu oc til ꝩiss ꝩita at allir þeir lutir
er guð skipaðe firi andꝩærðu til þæiʀaʀ hallar
oc hasætis þa ma ængi þꝩi fra kippa nema hann
ꝩili ræna guð sialꝩan oc heilagt hans domsæti
oc brigði mæð iꝩir girnð þæiʀi skipan er Guð
hæꝩir gorꝩaHꝩæʀr sa oc er hann er skipaðr i þætta
sæti þa ꝩærðr hann mæð mykilli ahyggiu ꝩarazt
þau sꝩaur er hann ꝩærðr firi ser at haꝩa
þægar hann kœmr firi kne domara sinum þꝩi at
þæssaʀrar rœðu ahann ꝩisa ꝩon at sꝩa man hinn
hæsti domari at orðe kꝩæða ꝩið hværn æinꝩorðungum
er firi hann kœmr þann er gezlu maðr
hæfir ꝩærit þæssaʀrar hallarÐu ert skryddr
mæð minu nafni þꝩi at þu ert bæðe konongr
oc domare sæm ecNu ꝩil ec at þu giallder
skynsæmð þinnar syslumæðr þꝩi at þu
ert skipaðr hærtoge oc domari iꝩir folki
minuNu þyrfti firi þær sacar hvæʀr sæm
æinn at mæð goðri skynsæmð oc langri ahyggiu
hæfði firi ser bruat hværiu hann æigi at sꝩara
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close