menota

Menota data services

Menu Search
63r AM 243 b α fol (AM 243 b α fol)  - 63v 64r 

On this page...

  • No text linked to this page in database

Images

þo mæð ser aðra luti sannari oc fell hann
firi þꝩi mæðr domi rettꝩisi at guð sa drambsamlegha
hœlni hans oc lygiliga sacar ꝩorn
En þo toc siðan aꝩund oc dramb meiʀr at
birtaz er hann fann at guð ꝩar reiðr hanum
þꝩi at Saul toc sott þa er ændr oc stunndum
kom at hanum haꝩꝩð œrslur oc þurfti at
geta hans mæðan su sott ꝩar a hanum oc
ꝩar hanum funnit þat til læcningar at fa
skylldi þann mann er ꝩæl kynni harpu at
slayfir hanum oc munndi hann þa minnr saca
sottenþꝩi næst ꝩar funninn æinn ungr
maðr oc friðr er Dauid ꝩar son Ysay í
Bæthleem er ꝩæl kunni at sla horpu oc
com hann til konongsensOc þægar sottinn toc konongenn
þa stoð Dauid firi hanum oc slo harpu sina
oc hꝩarf þægar sottin af hanumEn þægar
konongrinn kenndi at sott hans ꝩar linari þa ælskaði
hann mioc Dauid oc gerði hann at skialldsꝩæini
ser en þo hafði Samuel smurðan hann aðr til
konongs lœyniliga sꝩa at ængi ꝩissi nema faðer
hans oc brœðrDauid ꝩar marga daga mœð
Sauli konongi oc þionaðe hanum trygglega
En i allum ꝩærkum Dauids þa fannz þat allum
mannum at guð ꝩar mæð hanumSaul ꝩar
oc ꝩæl ꝩið hann i fyrstuni oc gaf hanum dottur
sina oc fek hanum lið sitt firi at raðaEn æptir
sigr þann er Saul konongr hafði unnit a Philisteis
oc Dauid hafðe dræpit Goliam ʀisa oc þeir
hurfu aptr or þœiʀi hærfor þa gengo ut
konor or borgum oc kaupstadum oc dannzaðu
moti þeim oc sungu þeim lof firi sigr sinn
En sꝩa ꝩarð i song þœiʀa at Saul konongr hafði unnit
sigr a þusund en Dauið a .x. þus undum
Oc þægar er Saul hœyrði þæssa luti þa rann
ahann þægar reiði oc aꝩꝩnd ꝩið Dauid oc
mælti ihugþocca sinumNu skil ec at Guð
hæfir ætlat þeima manni at taca riki
æpter mec en æigi sunum minum oc skal
ec ꝩiðr leita at firi koma þꝩi raði æf ec ma
oc þo mæðr þœiʀi list at ængi skal ꝩita at
ec dræpi hann at ꝩilia minumFaom dagum
siðaʀ kom ꝩanyfla sott Sauls at hanum
en Dauid toc harpu sina oc stoð firi hanum
oc slo æpter siðꝩænio sinni at sott
konongs skylldi minncaSaul hafði spiot
i hændi oc skaut at Dauiði oc hafði hann
ætlat gognum hann at skiota oc nægla hann
þar ꝩið hallar ꝩægginn en hann ætlaði at
forða ser sꝩa fra manndrapi at folkit
skylldi þꝩi um kenna at hann gerði þat i
œrslum en æigi æptir illzkuDauid
komz undan oc fecc forðat ser ꝩið lifshaska
En þa er Saul sa þat at Dauid komz
undan oc at hann gat æigi ꝩæiddan hann þa
sænndi hann Dauid i margar hærfarar
millim hæiðinna þioða oc ætlaði at
hann skylldi þar fallaEn þꝩi optaʀr er
Dauid for i hærfaraʀ þꝩi flæiri sigri
ꝩann hann oc agetari ꝩarð oc miclaði guð
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close