menota

Menota data services

Menu Search
62r AM 243 b α fol (AM 243 b α fol)  - 62v 63r 

On this page...

  • No text linked to this page in database

Images

barnit a hinum attanda dæge En
þæsse ꝩar annor hæfnd at Guð ꝩilldi
æigi þiggia af Dauiði at hann gerði hanum
templumoc kallaðe guð Dauid mann drapsmann
firi þat at hann hafði raðit Uriam af lifiEn firi
hor kono Urie þa þolði hann firi þat þa skom
at Absalon son hans gecc i augliti allz
folks oc lagðez mæðr friðlum hans oc gerðe
þæssa skom fæðr sinum firi allu folki
En þar er þu spurðer þæss hvar mæiri
ꝩar soc at Dauid drap Uriam saclausan
oc horaðe kono hans eða ꝩar su at Saul
ꝩilldi æigi dræpa yfrit marga í Amalech
Nu skalltu þat til ꝩiss ꝩita at sꝩ ꝩar soc
mæiri er Saul gerði þꝩi at ængi er æin
soc þungari en ꝩæita ulyðni yfir boða
sinum sæm Saul gerðeOc mattu marca
ænn í dagh a þꝩi um klaustra mænn at
æf munkrinn er olyðinn obota sinum er hann
er yfir klaustranum eða priori æf hann er þa
skal hann þægar ꝩæra ut rækinn fra heilagri
ræghlu oc or claustra sinum oc halldinn
sæm æinn leicmaðrSꝩa oc æf præstrinn
ꝩil æigi ꝩæra lyðinn byscupi yfirboða sinum
þa er hann þægar sagðr af lærðra manna tign
oc mæsso songr af hanum tækinn oc allt annat
æmbætti af hanum kipt Sꝩa oc æf
byskupinn ꝩill æigi lyðinn ꝩæra sinum yfir boða
hꝩart sæm hann er ricr eða urikr þa er hann
þægar af sagðr sinni tighn oc allu æmbætti
oc siðan sꝩa hallðinn millim allra lærðra
manna sæm æin hvæʀr ulærðr maðr
ængrar sæmðar ꝩærðrEn æn hældr mattu
þat ꝩitaat Sauli mundi æigi duga at ꝩæra
ulyðin slicum yfir boða sæm guð er sialfr
þar sæm hann hafði boðit hanum at fara í
Amalech oc i Amorea riki at dræpa allt
þat er kꝩict ꝩæriGuð toc ræfsingar ꝩonnd
sinn oc sælldi i hænðr Sauli oc bað hann hæfna
reiði sinnar oc ꝩægia ængo þꝩi er kꝩict
ꝩæri Brænna borgir oc bolstaðe klæði
oc allt annat þat sæm þar ꝩar skylldi
tyna oc reinsa sꝩa allt land mæð sꝩærðe
oc æxi oc ælldiEn Saul skipaði sꝩa þœiʀi
ræfsing er hanum ꝩar boðin at hann tyndi þꝩi
allu er hvarki ꝩar fagrt ne fe mætt
en allt þat er hanum þotti æigurlect ꝩæra
oc fægrst oc femætt þa þyrmði hann þꝩi oc
skipti manna sinna a millim oc hafði
heim i sitt landEn þa er Samuel kom til
Sauls oc sagði hanum reiði guðs þa sꝩaraðe
Saul sæm ꝩærianndi sina socLoꝩaðr se
þu guð at ec fyllda boðorð hans oc for ec
ut í Amalech oc eꝩddi ec allt þat riki mæð
ælldi oc sꝩærðiEn ec leidda hingat Agag
konong þꝩi at ec ꝩilldi sœma sꝩa guðs boð at
hann dœeꝩ her æf hann ꝩill at hann dœꝩ Fæita æxn
oc fagra sauðæ þa ero til þæss hingat
leidder at ofra guði slict af er hann ꝩil
þiggia En rikra manna born leidda ec
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close