menota

Menota data services

Menu Search
60r AM 243 b α fol (AM 243 b α fol)  - 60v 61r 

On this page...

  • No text linked to this page in database

Images

þer at konongr skylldi gera i sinni ræfsing firi astar
sacar en æigi aꝩundarfiri þꝩi at hvæʀ su
ræfsing er gor ꝩærðr firi aꝩundaʀ sacar þa er
þat manndrap En hvær su ræfsing er gor ꝩærðr
firi astaʀ sacar oc rettenda þa er þat heilact ꝩærk
en æigi mandrapSunʀ
nu ꝩil ec inniliga spyria yðr mæð lœꝩfi
um doma Ðat munu fair mænn lata
skiliazt ser at þat se gott ꝩærc oc heilact oc astsæmðar
ꝩærk at mæn se dræpnir oc þarf ec
þæss oc margr annaʀr ut ífra at þer skyrit
þat mæð noccorum orðumat þat ꝩærc se gott oc rettlict
at dræpa mænn i rettri ræfsing þꝩi at
allir hoghꝩærir mænn oc friðsamir styggiaz
mioc manndrap oc þyckia ill ꝩæra oc syndsamlegh
Faðer þar ero
opinbær skynsæmðar sꝩor til sæm nu
rœddum ꝩit um er Moyses ꝩarIamheilagr .ᛘ.
oc retꝩis sæm hann ꝩar oc allz costar hogꝩæʀr
æf hann ꝩissi at ræfsing hans ꝩæri iamsynðlig
sæm annat manndrap þa gerðe hann æigi þat
En æf hann ꝩæri sꝩa braðr i striðri reiði at hann hæfði
þætta ꝩærc gort mæiʀr firi bræði sacar
en rettændaþa munde guðs rettdœmi
hafa hafa hæfnt hanum mæð striðri ræfsing
oc harðri hæfndfiri iammikit mandrap sæm
hann gerðe þꝩi at Moyses bauð hværium manni
þeim er til ꝩapna toc mæð hanum at ængi
skylldi þyrma hvarki fæðr ne brœðr eða
aðrum frænndum sinum er hann ꝩæri i þꝩi ꝩærki
staddr sæm guð ꝩar þeim reiðr orðenn firi
oc þræꝩualldaðez retlæti Moyses i þæssaʀi
ræfsing þꝩi at þeir hælgaðu hændr sinar
er mæð Moysi ꝩaro i ræfsinginni i bloðe
hinna er dræpner ꝩaro þꝩi at þeir drygðu
lyðni ꝩið hofðingia sinn oc gezlo hæilagra
lagha i ꝩærki sinuEn þeir er lifnaðu
iðraðuz loghbrota oc snœruz siðan til
yꝩir botafiri brotit loghmalEn þeir er
dræpnir ꝩaro reinsaðuz i sinni iðran oc pinsl
er þeir þolðu í ðauða sinum oc ꝩar þeim myclo
bætra at þola skamma qvol í dauða sinum en
langa pinsl i hælꝩitiOc mæðr hinum sama
hætti ero nu kononga ræfsingar þꝩi at konongr
reinsar sec i bloðe ranglatra æf hann dræpr
þa i rettri ræfsing oc gezlo heilagra laga
En marger ero þeir siðar mæn er ræðaz
ræfsing oc mundu gœra loghbrot æf þeir
hæfði ængan agha af konongs ʀæfsingEn hinn
er þolir ræfsingar dom þa gengr hann til
skripta oc iðraz hann þa misgerninga sinna
er hann munnde ænga iðran taka æf hann
æigi þar braðan dauða ser buinn ꝩæra oc
ꝩærðr hann holpinn af iðran oc kꝩol er hann þolir
í dauða sinum oc er hanum bætra her at taca
skiotar hæfnder en kꝩol oc pinsl utan ænnða
þꝩi at æigi hæfnir guð tysꝩar hins sama
oc ꝩærðr firi þꝩi konongs ræfsing gott ꝩærc oc astsæmðar
ꝩærc ꝩið alla þa sæm unnder hanum
ero at hann ꝩill at sa er firi ræfsingom ꝩærðr
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close