menota

Menota data services

Menu Search
58r AM 243 b α fol (AM 243 b α fol)  - 58v 59r 

On this page...

  • No text linked to this page in database

Images

þa let Laurencius laust oc firi gaf hanum
þa socEn þa er sacar abærar hœyrðu þat
at þeir ꝩaro fallnir at þꝩi mali þa œpðu
þeir myclu hæra oc kꝩaðuzt hafa meiri
soc a hænndi StæphanoÐæir sagðu sꝩa
at æinn rumꝩærskr maðr er Tarkꝩinus
het ꝩar kominn til Athenis oc mæðr þꝩi
at hann ꝩar utlænzkr oc frændlaus þar kominn
þa þottez hann þurꝩa hialpa Stephani
um alla þa luti er hanum ꝩarðaðe mæðr þꝩi
at hann ꝩar domari oc hofðingi yꝩir alldri
borginniOc þa Stephanus hæst goðan af
hanum til þæss at hann skylldi hallda hann til lagha
oc rettendaEn þa kꝩað domʀrinn sꝩa at
at æf Stephanus hafðe sællt rettenndi ꝩið
ꝩærðe at hann skylldi sialfr fylgia til glatanar
þeim fiarlutEn þa er leitað ꝩar
ꝩið Stephanum hꝩart su soc ꝩar sonn eða æigi
þa nikꝩæddi hann þæssaʀri soc oc kꝩaz alldrigi
muna at hann hafi fe tekit i domi eða giof
En mæð þꝩi at Stephanus nitti sokinni þa
ꝩar sꝩa boðit at Tarkꝩinus skylldi þar koma
oc bæra sialfr mal þat or bogaEn þa
er Tarkꝩinus kom þa sagðe hann sꝩa at su soc
ꝩar æigi sonn a hænndi Stephano þꝩi at hann
sagði sꝩa at Stephanus toc alldri fe til doms
sꝩa at hann ꝩissi En mæðr þꝩi at ec ꝩar þar kominn
sagði Tarkꝩinus þa þottumz ec þurfa
ꝩinatto slics mannz oc gaf ec hanum hæst
minn æpter ꝩilia minum æn æigi æptir
beizlo hansÞa er sakar abærar hœyrðu þat at þeir
mundo fallnir ꝩæra at þœiʀi soc þa œpþo þeir
myclo hæra oc kꝩaðuzt haꝩa myclu meiri
soc a hændi hanum en hvargi ꝩar þæssaʀra
Ðæir sagðu sꝩa at Stephanus hafde tæcna
þria mænn unndan dauða mœðr of kappi
moti rettenndum er hvartꝩæggia hafðu
bitit logh oc rettennde oc sꝩa domar retter
Þa er Stephanus ꝩar at spurðr æf hann ꝩæri sannr
at þœiʀi soc þa gecc hann ígegn at hann hafðe
mænnina frælsta undan dauða oc kꝩaz
iamnan þæss iðrazt hafa at hann frælsti
þa mæðr op cappi moti rettenndumþa
qvað domr sꝩa at æf hann frælsti þa undan
dauða mæð of cappi er rettenðe hafðe
dœmt til dauða at hann skylldi sialfr þola dauða
firi nema hann bœtti þar sæm hann brautÞa bað
Iustinus pstr hinn hælga Laurencium at hann skylldi
hialpa ꝩið mali hans mæðr þꝩi at hann hafði
firi geꝩit hanum þa soc er hann hafði a hændi
hanum oc ængi soc hafði annuʀ sonn orðit
a handum hanum nema su æin er þa ꝩar um rœtt
Þa gengo þeir Laurencius oc Iustinus skynndiliga
til drotningarinnar oc fellu til fota hænni
oc baðu hana beiðaz þœiʀar miskunnar at domi
ꝩæri sꝩa miðlat at Stephano ꝩæri þar loꝩat
at bœta sæm brotit ꝩarEn þægar drotningin
bað firi Stephano þa ꝩar þat loꝩat sæm hon bað
Ðꝩi næst ꝩar Stephanus leiddr aptr til Athenis
oc reis upp a þœiʀi stundu er licamr hans ꝩar
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close