menota

Menota data services

Menu Search
57r AM 243 b α fol (AM 243 b α fol)  - 57v 58r 

On this page...

  • No text linked to this page in database

Images

breꝩin hafðe þa lagðe hann i aðra skal þau bref
er ꝩaro af hænnde sacar abæra en i aðra skal
þau bref er ꝩaru af hænde þæss er sꝩara skyllde
oc syndez hanum sæm skalirnar mætti
alldri iamnꝩægar ꝩærðaþa synndez hanum
sæm þau bref kœmi fram er aꝩar ritaðar or
lausnir oc akꝩæðnir domar æptir þꝩi sæm
hann hafðe ætlat up at sægia oc allir spækingar
hofðu lagt rað til oc þa er þau bref ꝩaro logð
í skalirnar þa urðu þær alldri iamꝩægar
hælldr er aðrÞa er sun konongs sa þæssa luti
þa hugði hann at hvat sa hinn þriði ungi maðr
hafðiz at oc sa at hann stoð þar næʀ hanum mæð
drægno sꝩærði oc buinn ꝩið at hogga þat sꝩærð
ꝩar snarp æggiað oc sꝩa ogorlict at hanum
synndizt sæm ælldr brynni or baðum æggium
Þat sa hann ꝩist æf hann lyki upp domum fyʀr en
skalirnar ꝩæri iamnꝩægar at sꝩærd hins
unga mannz kœmi þægar a hals hanumÐa
ꝩarð hanum litit niðr firi fœtr ser oc sa hann þar
opnaða iorðina niðr ígoghnum hann sa þar
hælꝩiti under mæðr gapanda muni sꝩa
sæm ꝩæntande at hann munde þar koma
En þa er konongs son sa þæssa luti þa dꝩalðiz
rœða hans oc uplocning domannaSpækingar
ꝩacðu til at domar skylldu ꝩæra uppsagðer
hann kallaðe þa til sin en sa hvæʀr er
til hans kom þa sa þæssa luti alla sæm ꝩer
hafum nu fra sagtoc treꝩstiz ængi þœiʀa
siðan upp at sægia doma þꝩi at skalir
hins unga manz urðu alldri iamꝩægar oc ꝩarð
ængum malum lokit a þeim dægi En siðan unndraðe
ængi maðr at konongr ꝩæri seinn í uppsagu
domaEnn ero annur þꝩilic dœmi æptir þꝩi
sæm ec sagða þer fyʀr i occaʀri rœðuþa er ꝩit
rœddum um stað þann er Temere ꝩar callaðr
á Irlannde oc ma ænn noccora minning gera
þœiʀar samu rœðu æf syniztEn þat ꝩar haꝩuðstaðr
a Irlande oc þar ꝩar haꝩuð sæti konongs oc
æigi ꝩissu mænn frægra stað á íorðuEn þo
at lanz folk ꝩæri hæiðit oc hæfði æigi átrunað
rettan til guðs i þann timaþa ꝩar
þo þat folk sꝩa í trunað sinum at þat truði at rettdœmi
munndi alldri hallazt af hænde þæss
konongs er sat i TemereFiri þꝩi at ængi domr
ꝩar sa dœmðr á Irlannde er þeir ætlaðe at fyʀr
ꝩæri rettr en konongrenn af Temere hæfði dœmt
En þæssi at burðr gerðez æitt hvært sinn
til at þat mal ꝩar borit firi konong þann er sat i Temere
at frænndr hans oc ꝩiniʀ atto annan ꝩæg
lut í en annan ꝩægh atto þeir mal er konongr
hafði fiandskap ꝩiðOc hallaðe konongr þa domi
mæiʀr æpter ꝩilia sinum en æptir rettænndum
oc þa bar raun a þꝩi at þrim nattom siðaʀr
þa snæri um holl konongsins oc oll annor hus
þau sæm hann sat í oc ꝩissu þa grunndꝩællir
up á en ꝩigskorð oc ꝩæggir í iorð niðr oc
þægar toc borgin at œyðazt oc ꝩarð hon
alldri siðan bygð Nu skal a slicu marca at
guð lætr til þæss slica luti opin bæra ꝩærða
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close